កូរ៉េៈ រដ្ឋាភិបាលភិបាលក្រុងព្យុងយ៉ាង និងសេអ៊ូល នឹងជួបប្រជុំគ្នានៅថ្ងៃអង្គារនេះ សម្រាប់កិច្ចចរចាកម្រិតខ្ពស់ជាលើកដំបូង រវាងប្រទេសទាំងពីរ ដែលមិនធ្លាប់មានក្នុងរយៈពេល ២ ឆ្នាំកន្លងមក។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៩ ខែធ្នូ ឆ្នាំ២០១៨។

កិច្ចប្រជុំនេះ នឹងត្រូវធ្វើឡើងនៅវេលាម៉ោង១០ ព្រឹក នៅឯផ្ទះសន្តិភាព ក្នុងភូមិ Panmunjom ជាតំបន់ព្រំដែនគ្មានយោធា។

សូមជំរាបថា ប្រទេសទាំងពីរ នឹងពិភាក្សាគ្នាដោយផ្តោតសំខានទៅលើការចូលរួមរបស់កូរ៉េខាងជើង នៅក្នុងការប្រកួតកីឡាអូឡាំពិករដូវរងារឆ្នាំ ២០១៨ ដែលនឹងប្រព្រឹត្តទៅ នៅកូរ៉េខាងត្បូងនាខែកុម្ភៈខាងមុខ។

ដោយទ្បែកប្រទេសកូរ៉េខាងត្បូង គ៏បានឲ្យដឹងថា ខ្លួននឹងបង្កើនមធ្យោបាយ ដើម្បីកែលម្អទំនាក់ទំនងអន្តរកូរ៉េទ្បើងវិញផងដែរ។

គួររំឭកថា ទំនាក់ទំនងរវាងប្រទេសទាំងពីរ បានធ្លាក់ចុះបន្ទាប់ពីទីក្រុងសេអ៊ូល បានផ្អាកគម្រោងសេដ្ឋកិច្ចរួមមួយ នៅរោងចក្រឧស្សាហកម្ម Kaesong ក្នុងប្រទេសកូរ៉េខាងជើង បន្ទាប់ពីការបាញ់រ៉ុក្កែត និងការសាកល្បងនុយក្លេអ៊ែរ ពីសំណាក់ក្រុងព្យុងយ៉ាង៕