Post News Media ព័ត៌មានអន្តរជាតិ ផ្ទុះការបាញ់ប...

ផ្ទុះការបាញ់ប្រហារកាំភ្លើង និងគ្រាប់បែក​នៅឯសាលាយោធាមួយ នៅទីក្រុងកាប៊ុល

អាហ្វហ្គានីស្ថាន: ប្រព័ន្ធផ្សព្វផ្សាយក្នុងស្រុក បានរាយការណ៍ថា មានករណីបាញ់កាំភ្លើង និងផ្ទុះគ្រាប់បែកដ៏ខ្លាំងក្លា ត្រូវបានគេឮនៅក្នុងសាលាយោធាមួយ នៅរដ្ឋធានីកាប៊ុល របស់ប្រទេសអាហ្វហ្គានីស្ថាន។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៩ ខែមករា ឆ្នាំ២០១៨។

របាយការណ៍ជាច្រើន បានឲ្យដឹងថា សាកលវិទ្យាល័យការពារជាតិ ឈ្មោះថា Marshal Fahim ត្រូវបានរងការវាយប្រហារ នៅព្រឹកថ្ងៃច័ន្ទនេះ ដែលហេតុការណ៍នេះ បានកើតឡើងជាច្រើនថ្ងៃ បន្ទាប់ពីការបំផ្ទុះគ្រាប់បែកមួយ នៅទីក្រុងកាប៊ុល អំទ្បុងពេលរថយន្តសង្គ្រោះបន្ទាន់ ផ្ទុកគ្រឿងផ្ទុះបានសម្លាប់មនុស្សយ៉ាងហោចណាស់ ១០០ នាក់។

ខណ:ដែលនាពេលថ្មីៗនេះ រដ្ឋអ៊ីស្លាម និងពួកសកម្មប្រយុទ្ធតាលីបង់ ទើបតែបានធ្វើការវាយប្រហារ នៅក្នុងប្រទេសមួយនេះ៕