Post News Media ព័ត៌មានអន្តរជាតិ ផ្ទុះភ្នំភ្លើ...

ផ្ទុះភ្នំភ្លើងនៅហ្គាតេម៉ាឡា ផ្តាច់ជីវិតមនុស្ស ៧៥ នាក់ និងបាត់ខ្លួនជិត ២០០ នាក់

ហ្គាតេម៉ាឡា: យ៉ាងហោចណាស់មនុស្ស ១៩២ នាក់ កំពុងបាត់ខ្លួន និង ៧៥នាក់ទៀត បានស្លាប់បាត់បង់ជីវិត ដោយសារការផ្ទុះភ្នំភ្លើង Fuego នៅប្រទេសហ្គាតេម៉ាឡា កាលពីថ្ងៃអាទិត្យ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី៦ ខែមិថុនា ឆ្នាំ២០១៨។

ភូមិនៅលើជម្រាលភ្នំនោះ ត្រូវបានកប់នៅក្នុងផេះ និងភក់ ខណ:ការជួយសង្គ្រោះ កាលពីថ្ងៃអង្គារត្រូវបានរំខាន ដោយសារការផ្ទុះជាថ្មី ដែលបានបញ្ចូនឧស្ម័នកាបូនិដ និងជាតិដែករលាយចូលទៅភាគខាងត្បូងនៃភ្នំភ្លើង។

រហូតមកទល់ពេលនេះ មនុស្សជាង ១,៧ លាននាក់ បានរងផលប៉ះពាល់ដោយការផ្ទុះ កាលពីថ្ងៃអាទិត្យ ខណ:មនុស្សជាង ៣,០០០ នាក់ទៀត ត្រូវបានអាជ្ញាធរជម្លៀសខ្លួនចេញ ទៅកាន់ទីសុវត្ថិភាព៕