Post News Media ព័ត៌មានអន្តរជាតិ ផ្ទុះគ្រាប់បែ...

ផ្ទុះគ្រាប់បែកនៅការិយាល័យបោះឆ្នោត នៃប្រទេសប៉ាគីស្ថាន សម្លាប់មនុស្ស ២៥នាក់ និងរបួសជាង ៤០នាក់

ប៉ាគីស្ថាន: ក្រុមមន្ត្រីបាននិយាយថា យ៉ាងហោចណាស់មនុស្ស ២៥ នាក់ ត្រូវបានសម្លាប់ បន្ទាប់ពីការផ្ទុះមួយ នៅខាងក្រៅការិយាល័យបោះឆ្នោតមួយ ក្នុងទីក្រុង Quetta របស់ប្រទេសប៉ាគីស្ថាន។ នេះបើយោងតាមសារព័ត៌មាន Skynews ចេញផ្សាយនៅថ្ងៃទី២៥ ខែកក្កដា ឆ្នាំ២០១៨។

ក្នុងចំណោមអ្នកស្លាប់ទាំងនោះ រួមមានប៉ូលិស ៥ នាក់ និងក្មេងពីរនាក់ផងដែរ ដោយតួលេខអ្នកស្លាប់នេះ អាចមានកើនឡើងនាពេលខាងមុខ ខណ:ដែលអ្នករងរបួសជាច្រើននាក់ កំពុងស្ថិតក្នុងស្ថានភាពធ្ងន់ធ្ងរ។

ប្រភពពីអាជ្ញាធរ បានអះអាងថា មកទល់ពេលនេះ មនុស្សជាង ៤០ នាក់ កំពុងសម្រាកព្យាបាលនៅមន្ទីរពេទ្យ។

ដោយលោក Hashim Ghilzai មន្ត្រីរដ្ឋបាលនៅក្រុង Quetta បាននិយាយថា៖ «អ្នកបំផ្ទុះគ្រាប់បែក បានព្យាយាមចូលក្នុងការិយាល័យបោះឆ្នោត នៅពេលដែលប៉ូលិស បានព្យាយាមឃាត់គាត់ កុំឲ្យបំផ្ទុះខ្លួនឯង»៕

Loading...