ហ្ស៊ីមបាវ៉េ: ការរាប់សន្លឹកឆ្នោត បានចាប់ផ្តើមនៅក្នុងការបោះឆ្នោត ជាលើកដំបូងរបស់ប្រទេសហ្ស៊ីមបាវ៉េ ចាប់តាំងពីអតីតប្រធានាធិបតីលោក Robert Mugabe ដែលកាន់អំណាចយូរជាងគេបំផុតក្នុងប្រទេសមួយនេះ ត្រូវបានគេទម្លាក់ចេញពីតំណែង កាលពីឆ្នាំមុន។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៣១ ខែកក្កដា ឆ្នាំ២០១៨។

មន្រ្តីកាលរិយាល័យបោះឆ្នោត បាននិយាយថា ចំនួនអ្នកទៅចូលរួមបោះឆ្នោត នៅថ្ងៃច័ន្ទនេះ មានអត្រាជាមធ្យម ៧៥ ភាគរយ។

ដោយលោកស្រី Priscilla Chigumba ប្រធានគណ:កម្មការបោះឆ្នោត បានប្រាប់ក្រុមអ្នកយកព័ត៌មាននៅរដ្ឋធានី Harare ថា៖ «ទស្សន:របស់យើង គឺថាតួលេខអ្នកទៅបោះឆ្នោតមានអត្រាខ្ពស់ ដែលបានបង្ហាញពីការយល់ដឹងរបស់ប្រជាពលរដ្ឋ នៅក្នុងការបោះឆ្នោត ក៏ដូចជាការផ្សព្វផ្សាយជាសាធារណ:»។

ក្នុងនោះលោកស្រី បានបញ្ជាក់ថា មានមនុស្សជាងប្រាំលាននាក់ បានចុះឈ្មោះចូលរួមក្នុងការបោះឆ្នោតនៅអាណត្តិនេះ៕