Post News Media ព័ត៌មានអន្តរជាតិ មេដឹកនាំម៉ាហ្...

មេដឹកនាំម៉ាហ្វីយ៉ាត្រូវចាប់បានខ្លួន បន្ទាប់ពីការរត់គេចអស់រយ:ពេល ២០ឆ្នាំមកហើយ

អ៊ីតាលី: លោក Ernesto Fazzalari អាយុ ៤៦ ត្រូវបានចាប់ខ្លួន នៅភាគខាងត្បូងតំបន់ Calabria ប្រទេសអ៊ីតាលី ដែលគាត់បានរត់ភៀសខ្លួន ចេញពីការកាត់ទោសមួយជីវិត ពីបទឃាតកម្ម។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី២៧ ខែមិថុនា ឆ្នាំ២០១៦។

បើតាមប៉ូលិស បានរៀបរាប់ថា គាត់ជាអ្នកនាំមុខនៅក្នុងក្រុម Ndrangheta ដែលជាមនុស្សម្នាក់ ដ៏មានអំណាចបំផុត ក្នុងក្រុមម៉ាហ្វីយ៉ានៅប្រទេសអ៊ីតាលី។

ក្រុមនេះ ត្រូវបានគេគិតថា នៅពីក្រោយការធ្វើពាណិជ្ជកម្មថ្នាំកូកាអ៊ីនដ៏ច្រើននៅតំបន់អឺរ៉ុប។
Fazzalari មិនបានតទល់នឹងការចាប់ខ្លួននោះទេ ហើយបើតាម អាជ្ញាធរ បាននិយាយថា គេបានរកឃើញស្ត្រីដៃគូរបស់គាត់ម្នាក់ថែមទៀតផង។

គួរបញ្ជាក់ដែរថា លោក Fazzalari បានរត់គេចខ្លួនលើកដំបូងនៅក្នុងឆ្នាំ ១៩៩៦ ដែលត្រូវបានកាត់ទោសកំបាំងមុខក្នុងឆ្នាំ ១៩៩៩ ពីបទប៉ុនប៉ងឃាតកម្ម និងការចាប់ជម្រិត៕

Loading...