Post News Media ព័ត៌មានអន្តរជាតិ Update៖ អ៊ីតា...

Update៖ អ៊ីតាលី ប្រកាសដាក់រដ្ឋក្នុងគ្រាអាសន្ន បន្ទាប់ពីគ្រោះមហន្តរាយ បង្កឲ្យបាក់ស្ពាន ស្លាប់ និងរបួសជាច្រើននាក់

អ៊ីតាលី: នាយករដ្ឋមន្ត្រីអ៊ីតាលីលោក Giuseppe Conte បានប្រកាសដាក់រដ្ឋក្នុងភាពអាសន្នរយ:ពេល ១២ ខែ ក្នុងតំបន់ Liguria ដើម្បីជាការឆ្លើយតបទៅនឹងការបាក់ស្ពានមួយ នៅទីក្រុង Genoa។ នេះបើយោងតាមសារព័ត៌មាន BBC ចេញផ្សាយនៅថ្ងៃទី១៦ ខែសីហា ឆ្នាំ២០១៨។

លោកក៏បាននិយាយផងដែរថា លោកនឹងចំណាយប្រាក់ ៥ លានអឺរ៉ូ ស្មើនឹង ៥.៧ លានដុល្លារអាមេរិក ពីមូលនិធិធនាគារកណ្តាល ទៅកាន់តំបន់ភាគពាយព្យ ដែលកំពុងរងផលប៉ះពាល់ ដោយសារគ្រោះមហន្តរាយ បង្កឲ្យមានភ្លៀងធ្លាក់យ៉ាងខ្លាំងក្លា។

ពាក់ព័ន្ធនឹងបញ្ហានេះ រដ្ឋាភិបាលក្នុងតំបន់ បានស្នើសុំឲ្យមានសកម្មភាពបន្ទាន់ ក្រោយគ្រោះមហន្តរាយ កាលពីថ្ងៃអង្គារ រហូតមកទល់ពេលនេះ បានបណ្ដាលឲ្យមនុស្សស្លាប់កើនដល់ ៣៩ នាក់។

ក្រុមអ្នកជួយសង្គ្រោះ បាននិយាយថា មានក្តីសង្ឃឹមតិចតួច ក្នុងការស្វែងរកអ្នកនៅរស់ ក្រោមស្ពាន Morandi ជាទីដែលរថយន្តរាប់សិបគ្រឿង ត្រូវបានគំនរបាក់បែកនៃស្ពាន បានធ្លាក់ចុះពីកម្ពស់ ៤៥ ម៉ែត្រ សង្កត់ពីលើ៕