ចិន: ប្រធានាធិបតីអាមេរិកលោក ដូណាល់ ត្រាំ បានប្រកាសថា ក្រុងវ៉ាស៊ីនតោននឹងដកចេញខ្លួនពីសន្ធិសញ្ញា INF ដែលជាកិច្ចព្រមព្រៀងឆ្នាំ ១៩៨៧ ជាមួយសហភាពសូវៀត ដែលបានចែងពីការបំផ្លិចបំផ្លាញមីស៊ីលផ្លោង រយ:ចម្ងាយពី ៣១០ ទៅ ៣,៤០០ ម៉ាយ បន្ទាប់ពីការរំលោភបំពានរបស់រុស្ស៊ី។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៥ ខែធ្នូ ឆ្នាំ២០១៨។

អ្នកនាំពាក្យក្រសួងការបរទេសចិន លោក Geng Shuang បាននិយាយនៅថ្ងៃពុធនេះថា ក្រុងប៉េកាំង បានធ្វើការប្រឆាំងចំពោះអាមេរិក ខណ:ដែលក្រុងវ៉ាស៊ីនតោន ចង់ឲ្យសន្ធិសញ្ញាកងកម្លាំងនុយក្លេអ៊ែរកម្រិតមធ្យម (INF) ក្លាយកិច្ចព្រមព្រៀងពហុភាគី ដោយលើកទ្បើងថា សន្ធិសញ្ញានេះ ត្រូវបានព្រមព្រៀងទ្បើង ដោយសហភាពសូវៀត និងអាមេរិកប៉ុណ្ណោះ។

ប្រតិកម្មនេះ បានកើតឡើងទៅនឹងសេចក្តីថ្លែងការណ៍របស់លោក ត្រាំ កាលពីខែតុលា ដែលបាននិយាយថា ប្រទេសចិនគួរតែ ជាផ្នែកមួយនៃសន្ធិសញ្ញា INF ៕