ស៊ីរី: កងកម្លាំងការពារអ៊ីស្រាអែល (IDF) និយាយថា ពួកគេបានចាប់ផ្តើមវាយប្រហារគោលដៅអ៊ីរ៉ង់ នៅក្នុងប្រទេសស៊ីរី ដើម្បីប្រឆាំងនឹងកងកម្លាំង Quds ដែលជាកងវរសេនាតូចឆ្មាំបដិវត្តន៍អ៊ីរ៉ង់។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២១ ខែមករា ឆ្នាំ២០១៩។

មកទល់ពេលនេះ មិនទាន់មានព័ត៌មានលម្អិតទេ ទាក់ទងនឹងការវាយប្រហារនេះ។ ប៉ុន្តែកាលពីថ្ងៃអាទិត្យ IDF បាននិយាយថា ពួកគេបានស្ទាក់ចាប់គ្រាប់រ៉ុកកែតមួយ ដែលបានបាញ់មកកាន់នៅតំបន់ Golan Heights ចេញពីប្រទេសស៊ីរី។

ទីភ្នាក់ងារព័ត៌មានរដ្ឋ Sana របស់ស៊ីរី បានឲ្យដឹងថា ប្រព័ន្ធការពារអាកាសរបស់ប្រទេសខ្លួន បានជំរុញឲ្យមានការទប់ស្កាត់ការវាយប្រហារតាមអាកាសពីអ៊ីស្រាអែល នៅភាគខាងត្បូងប្រទេស។

ក្រុមឃ្លាំមើលសិទ្ធិមនុស្សស៊ីរី (SOHR) ដែលមានមូលដ្ឋាននៅចក្រភពអង់គ្លេស បាននិយាយថា គ្រាប់រ៉ុកកែតរបស់អ៊ីស្រាអែល កំពុងសំដៅទៅលើតំបន់ក្បែរទីក្រុង Damascus។

ដោយ SOHR បានបន្ថែមទៀតថា ប្រព័ន្ធការពារអាកាសរបស់ស៊ីរី បានបាញ់មីស៊ីលរបស់ពួកគេ ដើម្បីស្ទាក់ចាប់គ្រាប់រ៉ុកកែតទាំងនោះ៕