វ៉េណេស៊ុយអេឡាៈ អនុប្រធានាធិបតីវ៉េណេស៊ុយអេឡា លោក Delcy Rodriguez បាននិយាយកាលពីថ្ងៃពុធថា សមយុទ្ធយោធាទ្រង់ទ្រាយធំរបស់ប្រទេស ដំណាក់កាលទី 2 នឹងចាប់ផ្តើមនៅចុងសប្តាហ៍នេះ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១៤ ខែមករា ឆ្នាំ២០១៩។

ដោយលោក Rodriguez បាននិយាយថា ការធ្វើសមយុទ្ធយោធា ដែលមានឈ្មោះថា Ana Karina Rote នឹងត្រូវបន្តនៅដំណាក់កាលទី ២ របស់ពួកគេ នាចុងសប្តាហ៍នេះ ដែលដំណាក់កាលទី១ នៃសមយុទ្ធនេះ មានឈ្មោះថា Angostura ត្រូវបានគេធ្វើឡើង នៅពាក់កណ្តាលខែកុម្ភៈ។

ពាក់ព័ន្ធនឹងយមយុទ្ធនេះ បានកើតឡើងចំពេលដែលមានការដាច់ភ្លើងរយៈពេលជាច្រើនថ្ងៃ នៅក្នុងប្រទេសមួយនេះ ដោយសារតែខូចខាតទំនប់​វា​រី​អគ្គិសនី Simón Bolívar ដែល​ស្គាល់​ថា Guri ក្នុង​រដ្ឋ Bolívar។

កាលពីដើមសប្តាហ៍នេះ ប្រធានាធិបតីវ៉េណេស៊ុយអេឡា លោក Nicolas Maduro បាននិយាយថា អាជ្ញាធរមូលដ្ឋាន បានឃាត់ខ្លួនមនុស្សពីរនាក់ ពីបទសង្ស័យថា បានប៉ុនប៉ងបំផ្លាញប្រព័ន្ធថាមពលរបស់ប្រទេសខ្លួន ដោយបន្ថែមថា ក្រុងវ៉ាស៊ីនតោន ជាអ្នកទទួលខុសត្រូវធំបំផុត សម្រាប់ការរំខានដល់បណ្តាញអគ្គិសនីវ៉េណេស៊ុយអេឡា៕