ផ្ទះ ព័ត៌មានអន្តរជាតិ កាន់តែមានភាពត...

កាន់តែមានភាពតានតឹង រវាងអាមេរិក និងរុស្ស៊ី ជុំវិញការប្រឈមមុខដាក់គ្នា នៅវ៉េណេស៊ុយអេឡា

0

វ៉េណេស៊ុយអេឡា: សហរដ្ឋអាមេរិក និងរុស្ស៊ី បានធ្វើការព្រមានប្រឆាំងដាក់គ្នា ជុំវិញការជ្រៀតជ្រែក នៅវ៉េណេស៊ុយអេឡា កាលពីថ្ងៃពុធ មួយថ្ងៃបន្ទាប់ពីរដ្ឋមន្ត្រីក្រសួងការបរទេសអាមេរិក លោក Mike Pompeo បានចោទប្រកាន់ក្រុងម៉ូស្គូថា បានបញ្ឈប់ដំណើរចាកចេញពីប្រទេស របស់ប្រធានាធិបតី លោក នីកូឡា ម៉ាឌូរ៉ូ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី២ ខែឧសភា ឆ្នាំ២០១៩។

ខណ:រដ្ឋមន្ត្រីក្រសួងការបរទេសរុស្ស៊ីលោក Sergey Lavrov បានប្រាប់ លោក Pompeo តាមរយ:ទូរស័ព្ទថា «ជំហានឈ្លានពានរបស់អាមេរិក នៅវ៉េណេស៊ុយអេឡា នឹងបង្កផលវិបាកយ៉ាងធ្ងន់ធ្ងរ»។

ដោយលោក បានគូសបញ្ជាក់ថា «ការជ្រៀតជ្រែក នៅក្នុងកិច្ចការផ្ទៃក្នុងនៃរដ្ឋ ដែលមានអធិបតេយ្យភាព រួមទាំងការគំរាមកំហែងដល់ការដឹកនាំរបស់ក្រុងវ៉ាស៊ីនតោន គឺជាការរំលោភបំពានយ៉ាងជាក់ស្តែង នៃច្បាប់អន្តរជាតិ»។

ពាក់ព័ន្ធនឹងបញ្ហានេះ ក្រសួងការបរទេសអាមេរិក បាននិយាយថា លោក Pompeo បានជំរុញ ក៏ដូចជាអំពាវនាវឲ្យរុស្ស៊ី បញ្ឈប់ការគាំទ្រដល់លោក ម៉ាឌូរ៉ូ។ ដោយលោក បានសង្កត់ធ្ងន់ថា ការធ្វើអន្តរាគមន៍របស់រុស្ស៊ី និងគុយបា កំពុងធ្វើឱ្យអស្ថិរភាព សម្រាប់វ៉េណេស៊ុយអេឡា និងទំនាក់ទំនងទ្វេភាគីរវាងអាមេរិក និងរុស្ស៊ី៕

Leave a Reply

This site uses Akismet to reduce spam. Learn how your comment data is processed.