ជប៉ុនៈ ប្រធានាធិបតីអាមេរិកលោក ដូណាល់ ត្រាំ បានថ្លែងកាលពីថ្ងៃអាទិត្យនៅលើ Twitter ដើម្បីបង្ហាញពីទំនុកចិត្តរបស់លោក ចំពោះមេដឹកនាំកូរ៉េខាងជើងលោក គីម ជុងអ៊ុន បើទោះបីជាមានការសាកល្បងអាវុធ ពីសំណាក់ទីក្រុងព្យុងយ៉ាង នាពេលថ្មីៗនេះ ក៏ដូចជាកិច្ចចរចានុយក្លេអ៊ែរ ជាប់គាំងក៏ដោយ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៦ ខែឧសភា ឆ្នាំ២០១៩។

នៅក្នុងអំទ្បុងដំណើរទស្សនកិច្ចរបស់លោក ត្រាំ នៅប្រទេសជប៉ុន ដើម្បីពង្រឹងទំនាក់ទំនង ជាមួយសម្ព័ន្ធមិត្តអាស៊ីជិតស្និទ្ធរបស់ក្រុងវ៉ាស៊ីនតោន លោកក៏បានលើកទ្បើងផងដែរថា លោក គីម បានបង្ហាញសារមករូបលោក នូវសញ្ញាមួយ ដោយទម្លាក់ការរិះគន់ ទៅលើអតីតអនុប្រធានាធិបតីលោក Joe Biden ថាជាមនុស្សល្ងីល្ងើ និងភ្លីភ្លើ តាមរយៈការអត្ថាធិប្បាយ លើប្រព័ន្ធផ្សព្វផ្សាយរបស់រដ្ឋកូរ៉េខាងជើង ។

ដោយលោក ត្រាំ បានសរសេរនៅលើគេហទំព័រ Twitter ថា ទោះបីជាពេលថ្មីៗនេះ កូរ៉េខាងជើង បានសាកល្បងអាវុធតូចៗមួយចំនួន ដែលធ្វើឲ្យខ្ញុំរំខានដល់មន្ត្រីរបស់លោក និងបណ្ដាប្រទេសដទៃ ប៉ុន្តែមិនបានធ្វើឲ្យប៉ះពាល់ដល់រូបលោកទេ។

ជាក់ស្ដែងមុនពេលដំណើរចុះចតរបស់លោក ត្រាំ កាលពីថ្ងៃសៅរ៍ លោក John Bolton ទីប្រឹក្សាសន្តិសុខជាតិរបស់លោក បានប្រាប់ប្រព័ន្ធផ្សព្វផ្សាយក្នុងស្រុកថា «ការសាកល្បអាវុធថ្មីៗ របស់ក្រុងព្យុងយ៉ាង បានរំលោភលើដំណោះស្រាយរបស់ក្រុមប្រឹក្សាសន្តិសុខ UN ប៉ុន្តែបានអះអាងថា ក្រុងវ៉ាស៊ីនតោន នៅតែត្រៀមខ្លួនបន្តការចរចាដដែល៕