ផ្ទះ ព័ត៌មានអន្តរជាតិ ​អាមេរិក ​បង្...

​អាមេរិក ​បង្កើតកងកម្លាំងចម្រុះ ​​ទប់ទល់ការគំរាម​ពីអ៊ីរ៉ង់ ក្រោយ​ការវាយប្រហារ​នៅ​អា​រ៉ាប៊ីសាអូឌីត

0

​អាមេរិក: ចំពេលដែលមានការព្រមានពីអ៊ីរ៉ង់ ​ប្រធានាធិបតី​អាមេរិក លោក​ដូណាល់ ត្រាំ បាន​និយាយកាលពីថ្ងៃ​ព្រហស្បតិ៍​ថា​ ក្រុងវ៉ាស៊ីនតោន ​នឹង​បង្កើត​កងកម្លាំងចម្រុះមួយ ​ដើម្បី​​រារាំង​ការ​គំរាម​កុ្រងតេអេរ៉ង់ បន្ទាប់ពីការវាយប្រហារ​​​ លើ​បណ្តា​រោងចក្រ​ចម្រាញ់​ប្រេង ​របស់​អា​រ៉ាប៊ីសាអូឌីត កាលពី​ចុង​សប្តាហ៍​។​ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី២០ ខែកញ្ញា ឆ្នាំ២០១៩។

ពាក់ព័ន្ធនឹងការលើកទ្បើងនេះ រដ្ឋាភិបាលអ៊ីរ៉ង់ ​បាន​និយាយថា ​ខ្លួន​នឹង​ស្វាគមន៍​​សកម្មភាព​វាយប្រហារ​ណាមួយរបស់អាមេរិក ហើយបាន​ព្រមានលោក ត្រាំ កុំឲ្យផុងខ្លួន​ ក្នុង​សង្គ្រាម​ណាមួយ​ នៅ​មជ្ឈិមបូព៌ា។

ដោយទ្បែកនៅក្នុងកិច្ចពិភាក្សា​ រវាង​មេដឹកនាំ​អា​រ៉ាប៊ីសាអូឌីត និងអាមេរិក ​ទាក់ទងនឹងការវាយប្រហារនេះ ​រដ្ឋាភិបាលពួកគេ សុទ្ធសឹងតែបានស្ដីបន្ទោស​លើ​អ៊ីរ៉ង់ ដោយរដ្ឋមន្ត្រីការបរទេស​អាមេរិក​លោក ​Mike Pompeo បាន​និយាយថា រដ្ឋបាលលោក នឹង​បន្ថែម​ទណ្ឌកម្ម​លើ​អ៊ីរ៉ង់ ដើម្បីធ្វើឲ្យមាន​ដំណោះស្រាយ ​ដោយ​សន្តិវិធី ​ចំពោះ​​វិបត្តិ​មួយនេះ​៕

Loading...

Leave a Reply

This site uses Akismet to reduce spam. Learn how your comment data is processed.