ផ្ទះ ព័ត៌មានអន្តរជាតិ ជាថ្មីម្ដងទៀត...

ជាថ្មីម្ដងទៀត! កូរ៉េខាងជើង បាញ់មីស៊ីលមិនស្គាល់អត្តសញ្ញាណជាច្រើនគ្រាប់

0

កូរ៉េ: អគ្គសេនាធិការចម្រុះកូរ៉េខាងត្បូង (JCS) បាននិយាយថា ប្រទេសកូរ៉េខាងជើង នៅថ្ងៃពុធនេះ បានបាញ់មីស៊ីលផ្លោង មិនស្គាល់អត្តសញ្ញាណ ជាច្រើនគ្រាប់ឆ្ពោះទៅកាន់សមុទ្រ ដែលវាកើតទ្បើងមួយថ្ងៃ បន្ទាប់ពីក្រុងព្យុងយ៉ាង បានបង្ហាញចេតនាបន្តកិច្ចចរចា ជាមួយអាមេរិក។ នេះបើយោងតាមសារព័ត៌មាន Channel News Asai ចេញផ្សាយនៅថ្ងៃទី២ ខែតុលា ឆ្នាំ២០១៩។

ដោយនៅក្នុងសេចក្តីថ្លែងការណ៍ JCS បានលើកទ្បើងថា យោធារបស់កូរ៉េខាងត្បូង កំពុងតាមដានស្ថានការណ៍ សម្រាប់ការបាញ់បង្ហោះបន្ថែម ក៏ដូចជារក្សាឥរិយាបថ ត្រៀមខ្លួនរួចជាស្រេចផងដែរ។

ប្រធានខុទ្ទកាល័យគណ:រដ្ឋមន្រ្តីជប៉ុនលោក Yoshihide Suga បាននិយាយថា មីស៊ីលមួយគ្រាប់ បានធ្លាក់ចុះនៅក្នុងតំបន់សេដ្ឋកិច្ចផ្តាច់មុខរបស់ជប៉ុន (EEZ) ក្នុងខេត្ត Shimane វេលាម៉ោង ៧ និង ២២ នាទីព្រឹក (ម៉ោងក្នុងស្រុក) ខណ:មួយគ្រាប់ផ្សេងទៀត បានធ្លាក់ប៉ុន្មាននាទីមុន នៅខាងក្រៅតំបន់នោះ។

ក្នុងនោះលោកបានបន្ថែមទៀតថា រហូតមកដល់ពេលនេះ មិនទាន់មានរបាយការណ៍ណាមួយ ស្តីពីផលប៉ះពាល់មកលើយន្តហោះ ឬកប៉ាល់នៅក្បែរនោះទេ៕

Loading...

Leave a Reply

This site uses Akismet to reduce spam. Learn how your comment data is processed.