តួកគី: អនុប្រធានាធិបតីអាមេរិក លោក Mike Pence បាននិយាយថា លោកបានឈានដល់កិច្ចព្រមព្រៀងមួយ ជាមួយប្រធានាធិបតី តួកគីលោក Tayyip Erdogan សម្រាប់បទឈប់បាញ់នៅភាគខាងជើងប្រទេសស៊ីរី ដើម្បីបញ្ចប់ការវាយលុករបស់តួកគី ប្រឆាំងនឹងកងកម្លាំងដឹកនាំដោយឃឺដ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១៨​ ខែតុលា ឆ្នាំ២០១៩។

ថ្លែងបន្ទាប់ពីកិច្ចពិភាក្សាវិបត្តិសេដ្ឋកិច្ច ជាមួយលោក Erdogan នៅទីក្រុងអង់ការ៉ា លោក Pence បាននិយាយថា ក្រោមកិច្ចព្រមព្រៀងនេះ រាល់ប្រតិបត្តិការយោធា នឹងត្រូវបានផ្អាក ដើម្បីអនុញ្ញាតឱ្យមានការដកថយរបស់កងជីវពលឃឺដ YPG ក្នុងរយ:ពេល ១២០ ម៉ោង។

ដោយលោក Pence បានប្រាប់សន្និសីទសារព័ត៌មានថា ប្រតិបត្តិការយោធា របស់ប្រទេសតួកគី នឹងបញ្ចប់នៅពេល ដែលការដកទ័ពរបស់ឃឺដបានបញ្ចប់ផងដែរ៕