ឥណ្ឌូនេស៊ី: ទីភ្នាក់ងារគ្រោះមហន្តរាយឥណ្ឌូណេស៊ី បានព្រមានកាលពីថ្ងៃព្រហស្បតិ៍ អំពីតួលេខអ្នកស្លាប់បន្ថែមទៀត បន្ទាប់ពីមានភ្លៀងធ្លាក់ខ្លាំង បានវាយប្រហារតំបន់ទីក្រុងចាការតា បង្កឲ្យមានទឹកជំនន់ និងការបាក់ដី សម្លាប់មនុស្សយ៉ាងហោច ២៩ នាក់។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៣ ខែមករា ឆ្នាំ២០២០។

អ្នកនាំពាក្យទីភ្នាក់ងារគ្រោះមហន្តរាយលោក Agus Wibowo បាននិយាយនៅព្រឹកថ្ងៃព្រហស្បតិ៍ថា មនុស្សជាង ៦២,០០០ នាក់ ត្រូវបានជម្លៀសចេញពីទីក្រុងហ្សាការតា។

តាមរយ:រូបភាពពីទូទាំងតំបន់ ដែលរងគ្រោះ បានបង្ហាញពីផ្ទះ និងរថយន្តជាច្រើន ត្រូវបានគ្របដណ្ដប់ដោយទឹកជំនន់ រួមទាំងភក់ ខណ:ដែលពលរដ្ឋមួយចំនួន យកទូកជ័រកៅស៊ូខ្នាតតូច ឬពោងកង់ជិះ ដើម្បីធ្វើដំណើរចាកចេញទៅកាន់ទីសុវត្ថិភាព៕