ព័ត៌មានអន្តរជាតិ

អាមេរិក ដាក់ពង្រាយកងទ័ពបន្ថែម ខណៈអ៊ីរ៉ង់ ប្តេជ្ញាសងសឹកវិញ បន្ទាប់ពីការស្លាប់របស់ លោក Soleimani

អាមេរិក: កងទ័ពអាមេរិក រាប់ពាន់នាក់បន្ថែមទៀត ត្រូវបានបញ្ជាឱ្យទៅមជ្ឈឹមបូព៌ា កាលពីថ្ងៃសុក្រ បន្ទាប់ពីក្រុងវ៉ាស៊ីនតោន បានធ្វើឃាតមេខ្លោងយោធារបស់អ៊ីរ៉ង់ ខណ:ដែលក្រុងតេរ៉ង់ បានប្ដេជ្ញាថា នឹងសងសឹកទៅវិញ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៤ ខែមករា ឆ្នាំ២០២០។

ប្រធានាធិបតីលោក ដូណាល់ ត្រាំ បាននិយាយថា ឧត្តមសេនីយ៍អ៊ីរ៉ង់ លោក Qasem Soleimani ត្រូវបានសម្លាប់ នៅពេលដែលមានការវាយប្រហារ ក្រុមអ្នកការទូតអាមេរិក យ៉ាងណាមិញលោក ត្រាំ ក៏បានទទូចផងដែរថា អាមេរិក មិនមានបំណងចង់ព្យាយាមផ្តួលរំលំរដ្ឋាភិបាលអ៊ីរ៉ង់នោះទេ។

ដោយលោក បាននិយាយនៅរដ្ឋផ្លរីដាថា៖ « លោក Soleimani បានរៀបចំផែនការវាយប្រហារដ៏សាហា​វ ចំពោះអ្នកការទូតអាមេរិក រួមទាំងបុគ្គលិកយោធា ប៉ុន្តែយើង បានចាត់ការរូបលោក នៅក្នុងសកម្មភាពនោះផងដែរ»៕

មតិយោបល់