អាមេរិក: រដ្ឋាភិបាលកូរ៉េខាងជើង បានបន្តលើកកម្ពស់កម្មវិធីនុយក្លេអ៊ែរ និងមីស៊ីលផ្លោងរបស់ខ្លួន កាលពីឆ្នាំមុន ដោយរំលោភលើទណ្ឌកម្មរបស់អង្គការសហប្រជាជាតិ (UN)។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១១ ខែកុម្ភ: ឆ្នាំ២០២០។

លើសពីនេះទៅទៀត ក្រុងព្យុងយ៉ាង ក៏បាននាំចូលប្រេងចម្រាញ់ខុសច្បាប់ និងនាំចេញធ្យូងថ្មមានតម្លៃ ៣៧០ លានដុល្លារថែមទៀត ដោយមានជួយពីនាវាដឹកទំនិញចិនផងដែរ។

ដោយនៅក្នុងរបាយការណ៍ចំនួន ៦៧ ទំព័រ ដែលបានដាក់ទៅកាន់គណ:កម្មាធិការដាក់ទណ្ឌកម្មកូរ៉េខាងជើង របស់ក្រុមប្រឹក្សាសន្តិសុខអង្គការសហប្រជាជាតិ ដែលនឹងត្រូវចេញផ្សាយជាសាធារណ: នៅខែក្រោយនេះ នឹងកើតឡើងខណ:ដែលអាមេរិក កំពុងព្យាយាមធ្វើឲ្យកិច្ចចរចានុយក្លេអ៊ែរ ដែលជាប់គាំង ជាមួយកូរ៉េខាងជើងរស់ទ្បើងវិញ៕