ផ្ទះ ព័ត៌មានអន្តរជាតិ អង្គការសុខភាព...

អង្គការសុខភាពពិភពលោក បញ្ជាក់ថា វីរុសឆ្លងកូរ៉ូណារបស់ចិន គឺសត្រូវសាធារណៈជនធំបំផុត លំដាប់ទី១

0

ស្វីស: ប្រធានអង្គការសុខភាពពិភពលោក (WHO) បាននិយាយកាលពីថ្ងៃអង្គារថា ការផ្ទុះឡើងនូវវីរុសឆ្លងកូរ៉ូណារបស់ចិន បានបង្កការគំរាមកំហែងយ៉ាងធ្ងន់ធ្ងរដល់ពិភពលោកទាំងមូល ដោយចាត់ទុកវាថា ជាសត្រូវសាធារណ:ជនលំដាប់ទី ១ ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១២ ខែកុម្ភ: ឆ្នាំ២០២០។

លោក Tedros Adhanom Ghebreyesus អគ្គនាយកអង្គការសុខភាពពិភពលោក បានជំរុញឲ្យប្រទេសនានាបង្កើនវិធានការ ដើម្បីទប់ស្កាត់វីរុសនេះ ជាពិសេសយ៉ាងហោចណាស់ នៅក្នុងប្រទេសចំនួន ៣០ ដែលមានប្រព័ន្ធសុខាភិបាលទន់ខ្សោយ ព្រោះវាអាចបង្កើតការបំផ្លិចបំផ្លាញយ៉ាងធ្ងន់ធ្ងរ»។

ដោយលោកបាននិយាយថា វីរុសនេះ ត្រូវបានគេដាក់ឈ្មោះថា COVID-19 ​គឺ​ជា​មេរោគ​បង្ក​ជំងឺ​ផ្លូវ​ដង្ហើម​ ស្ថិត​ក្នុង​អំបូរ​ Coronavirus ​តែមួយ ​ដូចគ្នា​ទៅ​នឹង​មេរោគ​ SRAS​ ដែល​បាន​ផ្តាច់​ជីវិតមនុស្ស​​ប្រមាណ​ជាង​៦០០នាក់ ​កាលពី​ឆ្នាំ​២០០៣៕

មតិយោបល់