ព័ត៌មានអន្តរជាតិ

ចំនួនអ្នកស្លាប់ដោយសារវីរុសកូរ៉ូណា នៅរដ្ឋញូវយ៉ក កើនដល់លើស ១០,០០០ នាក់ហើយ

អាមេរិក: អភិបាលរដ្ឋញូវយ៉ក លោក Andrew Cuomo មានប្រសាសន៍ថា លោកជឿជាក់ថា ស្ថានភាពអាក្រក់ នៃអ្នកជំងឺឆ្លងកូវីដ១៩ គឺជៀសផុតទៅបាន អាស្រ័យទៅនឹងការស្នាក់នៅព្យាបាលក្នុងមន្ទីរពេទ្យ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៤ ខែមេសា ឆ្នាំ២០២០។

តាមរបាយការណ៍ បានឲ្យដឹងថា ប្រទេសចិន មានការឆ្លងនៃវីរុសប្រភេទថ្មីនេះខ្ពស់បំផុតចំនួន (១០៨)ករណី ក្នុងរយ:ពេលជិត ៦ សប្តាហ៍កន្លងមកនេះ។

ចំណែកអត្រាមរណភាព នៅអ៊ីតាលី អេស្បាញ និងបារាំង ដែលប្រទេសទាំងបីនេះ បានរងផលប៉ះពាល់យ៉ាងធ្ងន់ធ្ងរ ដោយសារជំងឺឆ្លងកូវីដ១៩ ហាក់មានភាពថមថយជាងពេលមុនៗ។

ខណ:ដែលចំនួនអ្នកស្លាប់ ក្នុងរដ្ឋញូវយ៉ក បានឡើងខ្ពស់លើស ១០,០០០ នាក់ហើយ។ រីឯប្រទេសរុស្ស៊ីវិញ ត្រូវគេកត់សម្គាល់ថា មានការលោតឡើងខ្ពស់បំផុត ធៀបនឹងអត្រាប្រចាំថ្ងៃរបស់ខ្លួន នៅក្នុងករណីនេះ ជាមួយនឹងការឆ្លងថ្មីចំនួន ២,៥៥៨ ករណី។

សូមជំរាបថា នៅទូទាំងពិភពលោកមនុស្សជាង ១១៨,០០០ នាក់ បានស្លាប់ខណ:ដែលមនុស្សជាង ៤៤៦,០០០ នាក់បានជាសះស្បើយទ្បើយវិញ នេះបើយោងតាមទិន្នន័យ ដែលត្រូវបានចងក្រង ដោយសាកលវិទ្យាល័យ Johns Hopkins ៕

មតិយោបល់