ផ្ទះ ព័ត៌មានអន្តរជាតិ កូរ៉េខាងជើង៖ ...

កូរ៉េខាងជើង៖ គ្មានទ្បើយចេតនា ធ្វើកិច្ចចរចាទ្បើងវិញ ជាមួយអាមេរិកនោះ

0

កូរ៉េ: ថ្មីៗនេះ កូរ៉េខាងជើង បានច្រានចោលឱកាស ដែលនាំទៅរកការចាប់ផ្តើម កិច្ចចរចាឡើងវិញ ជាមួយអាមេរិក ដោយចោទប្រកាន់ទីក្រុងវ៉ាស៊ីនតោនថា បានប្រកាន់នូវគោល នយោបាយអរិភាព ចំពោះទីក្រុងព្យុងយ៉ាង និងមិនគោរពតាមកិច្ចព្រមព្រៀង ដែលបានធ្វើ នៅក្នុងកិច្ចប្រជុំកំពូលកន្លងមក។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៧ ខែកក្កដា ឆ្នាំ២០២០។

ទីភ្នាក់ងារព័ត៌មានកណ្តាលកូរ៉េ (KCNA) កាលពីថ្ងៃច័ន្ទ បានរាយការណ៍ថា កូរ៉េខាងជើង មិនមានបំណង ចាប់ផ្ដើមធ្វើឲ្យរស់ទ្បើងវិញនូវកិច្ចពិភាក្សា ជាមួយសហរដ្ឋអាមេរិកនោះទេ។

ដោយការលើកទ្បើងនេះ បន្ទាប់ពីទំនាក់ទំនងអន្តរកូរ៉េ កាន់តែមានភាពយ៉ាប់យ៉ឺន ខណ:ដែលប្រព័ន្ធផ្សព្វផ្សាយ និងអ្នកជំនាញមកពីប្រទេសផ្សេងៗគ្នា ក៏ដូចជាមន្រ្តីមួយចំនួន បាននិយាយថា ជារឿងចាំបាច់បំផុត គឺគួរតែបន្តឲ្យមានកិច្ចពិភាក្សា រវាងអាមេរិក និងកូរ៉េខាងជើង មុនពេលការបោះឆ្នោតប្រធានាធិបតីអាមេរិក នៅខែវិច្ឆិកាខាងមុខ៕

មតិយោបល់