Post News Media ព័ត៌មានអន្តរជាតិ ប្រធានាធិបតីត...

ប្រធានាធិបតីតួកគី ចង់ផ្សះផ្សារទំនាក់ទំនងទ្បើងវិញ ជាមួយទីក្រុងម៉ូស្គូ

រុស្ស៊ី: សម្រាប់ដំណើរទស្សនកិច្ចរបស់ប្រធានាធិបតីតួកគី លោក Recep Tayyip Erdogan ក្នុងជំនួបកិច្ចចចរនៅក្រុងម៉ូស្គូ ជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបង្ហាញឲ្យដឹងថា លោក Erdogan ចង់ផ្សះផ្សារទំនាក់ទ្បើងវិញជាមួយប្រទេសរុស្ស៊ី។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី ៩ ខែសីហា ឆ្នាំ២០១៦។

នេះជាដំណើរទស្សនកិច្ចទៅក្រៅប្រទេសជាលើកដំបូងរបស់លោក Erdogan ចាប់តាំងពីការប៉ុនប៉ងធ្វើ រដ្ឋប្រហារយោធាតួកគី បានបរាជ័យកាលពីខែមុន។

សូមជំរាបថា ទំនាក់ទំនងរវាងប្រទេសទាំងពីរ ត្រូវបានប្រេះឆាកាលពីឆ្នាំមុន នៅពេលដែលប្រទេសតួកគី បានបាញ់ទម្លាក់យន្តហោះយោធារុស្ស៊ី នៅលើព្រំដែនស៊ីរី។

ដំណើរទស្សនកិច្ចនេះ ត្រូវបានធ្វើឡើង ខណ:ដែលទំនាក់ទំនងរបស់ប្រទេសតួកគី ជាមួយលោកខាងលិច បានធ្លាក់ចុះ បន្ទាប់ពីរងការរិះគន់ ចំពោះចំណាត់ការបង្ក្រាបរបស់រដ្ឋាភិបាល លើអ្នកដែលផ្សំគំនិត ធ្វើរដ្ឋប្រហារក្នុងប្រទេសនេះ។

គួរបញ្ជាក់ដែរថា មុនពេលចាកចេញពីប្រទេសតួកគី លោក Erdogan បាននិយាយសំដៅទៅ លោកប្រធានាធិបតីពូទីនថា ជាមិត្តភក្តិរបស់លោក ដោយបន្ថែមថា លោកចង់បើកទំព័រថ្មីមួយ សម្រាប់ទំនាក់ទំនងជាមួយប្រទេសរុស្ស៊ី៕

_90719509_erdogan_putin_afp