ប្រេស៊ីល: ប្រធានាធិបតី ប្រេស៊ីល លោកស្រី Dilma Rousseff បានប្រកាសតែងតាំង រដ្ឋមន្ត្រីថ្មី ចំនួន ៤រូប ទៅកាន់ គណរដ្ឋមន្ត្រី ដើម្បីជំនួយមន្ត្រី ដែលបានលាលែងចេញពីតំណែង កាលពីពេលថ្មីៗនេះ ដោយសារតែរឿងពុករលួយ ចោទប្រកាន់មកលើ ប្រធានាធិបតី កន្លងមក។ នេះបើតាមការឱ្យដឹង តាមរយ:សារព័ត៌មានចិន ស៊ិនហួរ នៅរសៀលថ្ងៃសៅរ៍ ទី២៣ ខែមេសា ឆ្នាំ២០១៦។

គួរបញ្ជាក់ថា រដ្ឋមន្ត្រី ដែលត្រូវបានតែងតាំងថ្មី ទាំង ៤នាក់ នឹងទទួលបន្ទុក នៅតាមក្រសួង ចំនួន ៤ ផងដែរ ដូចជា ក្រសួងរ៉ែ និងថាមពល, ក្រសួងកំពង់ផែ, ក្រសួងទីក្រុង, និង ក្រសួងទេសចរណ៍ ដែលពួកគេ ជាអ្នកស្មោះស្ម័គ្រនឹងលោកស្រី Rousseff បំផុត។ នៅអំឡុងពេល ដែលលោកស្រី រួសេហ្វ ជួបប្រទះបញ្ហាចោទប្រកាន់ រឿងអំពើពុករលួយនោះ សមាជិកគណរដ្ឋមន្ត្រីរបស់លោកស្រី ចំនួន ០៨រូប បានលាលែង ចេញពីតំណែង៕