ព័ត៌មានអន្តរជាតិ

First News: យ៉ាងហោចណាស់មនុស្ស ជិត ១០០នាក់ បានស្លាប់ និងរងការឈឺចាប់ ព្រោះជំងឺអាសន្នរោគ នៅភាគខាងត្បូង ប្រទេសសូម៉ាលី

ក្រុង Mogadishu: បើតាមក្រសួងសុខាភិបាល បញ្ជាក់នាថ្ងៃសៅរ៍នេះ បានឲ្យដឹងថា  យ៉ាងហោចណាស់មនុស្ស ចំនួន ១២នាក់ បានស្លាប់ដោយសារជំងឺអាសន្នរោគ និងចំនួនជាង ៦០ នាក់ទៀត កំពុងរងការឈឺចាប់ ពីជំងឺរាគរូស នៅទីក្រុងនៃតំបន់ Middle Juba ភាគខាងត្បូង ប្រទេសសូម៉ាលី។ នេះបើយោងតាមរយ: សារព័ត៌មានចិន ស៊ិនហួរ ចេញផ្សាយនៅយប់ថ្ងៃទី២៣ ខែមេសា ឆ្នាំ២០១៦ នេះ។

រដ្ឋមន្ត្រីក្រសួងសុខាភិបាល លោកស្រី Hawo Hassan Mohamed បាននិយាយថា អ្នកជំងឺចំនួន ១១នាក់បានស្លាប់ ដោយសារជំងឺរាគរូស ក្នុងស្រុក Sakow និងម្នាក់ទៀត បានស្លាប់ នៅទីក្រុង Bu’ale ក្នុងតំបន់ Middle Juba ទៀតផង។ លើសពីនេះទៅទៀត លោកស្រីក៏បានឲ្យដឹងបន្ថែមថា ខណ:ពេលនេះ មានអ្នកជំងឺចំនួន ៤៣នាក់ កំពុងសម្រាកព្យាបាល នៅឯមជ្ឈមណ្ឌលវេជ្ជសាស្រ្ត ក្នុងស្រុក Sakow និងចំនួន ២១នាក់ទៀត នៅទីក្រុង Bu’ale ផងដែរ៕

photo_2016-04-23_22-05-41

មតិយោបល់