បរទេស: កើតហេតុការណ៍រត់ជាន់គ្នាស្លាប់ នៅក្នុងពិធីបុណ្យ អរគុណព្រះជាម្ចាស់ ឬពីធីអឺរីសា របស់ជនជាតិអរូមា ដែលមានប្រជាជន ចូលរួមជាច្រើននាក់ ដោយតែមានក្រុមមនុស្សខ្លះ ធ្វើបាតុកម្មប្រឆាំងរដ្ឋាភិបាល រហូតដល់មានជំលោះកើតឡើង ខណ:នោះ។ នេះដោយយោងតាមគេហទំព័រ BBC នៅថ្ងៃទី ០៣ ខែកញ្ញា ឆ្នាំ២០១៦។

រដ្ឋាបាលនៅក្នុងតំបន់ទីក្រុង Bishoftu ជិតទីក្រុង Addis Ababa ប្រទេសអេត្យូពី បានរាយការណ៍ថា នៅក្នុងហេតុការណ៍រត់ជាន់គ្នា ស្លាប់ខាងលើមាន ចំនួនមនុស្សស្លាប់លើសពី ១០០នាក់ និងអ្នករងរបួសជាច្រើននាក់។ នេះបណ្ដាលមកពីពួកគេភ័យស្លន់ស្លោ ដោយសារតែមានក្រុមមនុស្សមួយក្រុម ក្រោមឡើងស្រែកខ្លាំងៗ ធ្វើបាតុកម្មប្រឆាំនិងរដ្ឋាភិបាល រហូតដល់ឈ្លោះគ្នា ជាមួយនឹងក្រុមរដ្ឋាភិបាល ។

គួរបញ្ចាក់ផងដែរថា រហូតមកដល់ម៉ោងនេះ គឺមានតួរលេខចំនួនអ្នកស្លាប់ពិតប្រាកដ ឡើងលើសពី១០០នាក់ហើយ ក្នុងនេះក្រុមអ្នកតវ៉ាកំពុងអំពាវនាវដល់ក្រុមគ្រួសារ ដែលមានសមាជិកបាត់បង់ជីវិត ដោយស្នាដៃប៉ូលិស ចេញមកទីប្រជុំជនដើម្បីតវ៉ា ក្នុងរយ:ពេល៥ថ្ងៃទៀត ខណ:ដែលមានការការពារ បាតុកម្មពីកម្លាំងប៉ូលិសយ៉ាងណែនណាំ ៕