ផ្ទះ ព័ត៌មានអន្តរជាតិ ប្រធានាធិបតីហ...

ប្រធានាធិបតីហ្វីលីពីន បញ្ជាឲ្យប៉ូលិសលុបចោលកិច្ចព្រមព្រៀងទិញដូរអាវុធជាមួយអាម៉េរិក

0

ម៉ានីល: ប្រធានាធិបតីហ្វីលីពីន លោក រ៉ូឌ្រីហ្គោ ឌូទ័រតេ នៅថ្ងៃច័ន្ទនេះ បានបញ្ជាឲ្យប៉ូលិសជាតិហ្វីលីពីន លុបចោលកិច្ចព្រមព្រៀងទិញដូរអាវុធជាមួយនឹងសហរដ្ឋអាម៉េរិក។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី០៧ ខែវិច្ឆិកា ឆ្នាំ២០១៦ បានឲ្យដឹងដោយផ្អែកតាមការលើកឡើងរបស់លោក ឌូទ័រតេថា «ខ្ញុំបានបញ្ជាឲ្យប៉ូលិសលុបចោលបទបញ្ជានោះហើយ ដែលបទបញ្ជានោះគឺសំដៅទៅលើអាវុធចំនួន ២៦.០០០ដើម ដែលបានបញ្ជាទិញពីអាម៉េរិក កាលពីលើកមុន»។

សូមជំរាបផងដែរថា កាលពីសប្តាហ៍មុន លោក ឌូទ័រតេ បានរិះគន់សហរដ្ឋអាម៉េរិកម្តងហើយ ក្នុងពេលដែលប្រទេសមហាអំណាចមួយនេះ បានគំរាមបញ្ឈប់ការលក់អាវុធឲ្យប្រទេស ហ្វីលីពីន ដោយសារតែអ្វីដែលអាម៉េរិកហៅថា ជាការព្រួយបារម្ភលើផ្នែកសិទ្ធិមនុស្ស៕

103917986-rtx2o64d-530x298