ព័ត៌មានអន្តរជាតិ

រុស្ស៊ីប្តេជ្ញាបន្តជួយស៊ីរី ដើម្បីប្រយុទ្ធនឹងក្រុមភេរវកម្ម

មូស្គូ: ប្រទេសរុស្ស៊ីនឹងបន្តជួយដល់ប្រទេសស៊ីរី ដើម្បីប្រយុទ្ធនឹងក្រុមបង្កភេរវកម្មអន្តរជាតិ។ នេះបើយោងតាមការលើកឡើងរបស់លោក Mikhail Bogdanov តំណាងពិសេសប្រធានាធិបតីរុស្ស៊ី ទទួលបន្ទុកកិច្ចការនៅមជ្ឈិមបូព៌ា និងអាហ្វ្រិក។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី១៧ ខែវិច្ឆិកា ឆ្នាំ២០១៦ បានឲ្យដឹងថា លោក Mikhail Bogdanov បានធ្វើការប្តេជ្ញាបែបនេះអំឡុងពេលកិច្ចប្រជុំជាមួយអគ្គរដ្ឋទូតស៊ីរី នៅទីក្រុង មូស្គូ។

លោកបានឲ្យដឹងថា ការយកចិត្តទុកដាក់ជាពិសេសគឺផ្តោតទៅលើស្ថានការណ៍នៅភាគខាងជើងប្រទេសស៊ីរី រួមទាំងក្នុងក្របខណ្ឌប្រតិបត្តិការរបស់យោធារុស្ស៊ី ប្រឆាំងនឹងទីតាំងរបស់ក្រុមឧទ្ទាមរដ្ឋឥស្លាម និងពួក Jabhat Fatah al-Sham, ក្រុមអង្គការភេរវកម្មជីហាដ Salafist។
រុស្ស៊ីក៏បានប្រកាសផងដែរថា ខ្លួននឹងបង្កើនការដោះស្រាយវិបត្តិនយោបាយស៊ីរី នៅក្នុងក្របខណ្ឌច្បាប់អន្តរជាតិ ដោយផ្អែកលើដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិលេខ ២២៥៤៕

86360702_8636070129

insidesyria_copyright

មតិយោបល់