ព្រុចសែលៈ សហភាពអឺរ៉ុប (EU) បានសម្តែងការសោកស្តាយនៅថ្ងៃព្រហស្បតិ៍នេះ ចំពោះការដកខ្លួនរបស់រុស្ស៊ីពីតុលាការឧក្រិដ្ឋកម្មអន្តរជាតិ (ICC)។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី១៧ ខែវិច្ឆិកា ឆ្នាំ២០១៦ បានឲ្យដឹងដោយផ្អែកតាមការលើកឡើងរបស់លោកស្រី Federica Mogherini ប្រធានគោលនយោបាយបរទេសរបស់ប្លុក នៅក្នុងសេចក្តីថ្លែងការណ៍ថា «យើងសោកស្តាយចំពោះការសម្រេចចិត្តរបស់សហព័ន្ធរុស្ស៊ីដើម្បីដកហត្ថលេខារបស់ខ្លួន និងមិនបានក្លាយទៅជាភាគីតុលាការឧក្រិដ្ឋកម្មអន្តរជាតិនេះ»។

លោកស្រីក៏បានទទូចថា សហភាពអឺរ៉ុបនៅតែជាអ្នកគាំទ្រយ៉ាងស្មោះត្រង់ចំពោះ ICC និងបានប្តេជ្ញាចិត្តចំពោះការធ្វើកិច្ចសហប្រតិបត្តិការពេញលេញ ដើម្បីការពារលើករណីឧក្រិដ្ឋកម្មធ្ងន់ធ្ងរ នៅក្រោមយុត្តាធិការរបស់តុលាការនេះ។

សូមជំរាបផងដែរថា ក្រសួងការបរទេសរុស្ស៊ីបានឲ្យដឹងកាលពីថ្ងៃពុធថា រុស្ស៊ីបានសម្រេចចិត្តដកខ្លួនចេញពីតុលាការ ICC ដោយសារការរបស់តុលាការនេះ “អសមត្ថភាព”៕