ព័ត៌មានអន្តរជាតិ

ប្រធានាធិបតីតួកគី ចោទប្រទេសលោកខាងលិចថា កំពុងជួយក្រុមភេរវករ

ឥស្លាមបាដ: ប្រធានាធិបតីតួកគី លោក Recep Tayyip Erdogan នៅថ្ងៃព្រហស្បតិ៍ បានចោទប្រកាន់បណ្តាប្រទេសលោកខាងលិចថាបានកំពុងជួយគាំទ្រដល់ក្រុមភេរវករ តាមរយ:អាវុធដែលបានរកឃើញពីនេះដែលផលិតឡើងនៅក្នុងប្រទេសលោកខាងលិចទាំងនោះ។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី១៧ ខែវិច្ឆិកា ឆ្នាំ២០១៦ បានឲ្យដឹងថា ថ្លែងទៅកាន់សភារបស់ប្រទេសប៉ាគីស្ថាននៅថ្ងៃទី២នៃដំណើរទស្សនកិច្ចរបស់លោកមកកាន់ប្រទេសនេះ មេដឹកនាំតួកគីលោក Recep Tayyip Erdogan បាននិយាយថា អង្គការភេរវកម្មទាំងនោះ បាននាំមកនូវកេរ្តិ៍ឈ្មោះអាក្រក់មកកាន់តំបន់ឥស្លាម។

លោកបន្តថា «អង្គការភេរវកម្មដូចជា ឧទ្ទាមរដ្ឋឥស្លាម និងក្រុមភេរវករ អាល់កៃដា គឺមានការបង្កការខូចខាតតែមួយគត់ដល់ប្រទេសឥស្លាម ដូច្នេះតួកគី នឹងបន្តយុទ្ធនាការប្រឆាំងក្រុមភេរវករទាំងនោះ។ វាជាការទទួលខុសត្រូវរបស់ប្រទេសទាំងអស់ ដើម្បីដកឫសគល់ក្រុមទាំងនោះ»៕

582aaa3a4a244

មតិយោបល់