មួយរយៈចុងក្រោយមកនេះ គេសង្កេត​ឃើញថា បទចម្រៀង​របស់ ឌីជេ ខេក មានស្តាយ៍ជាច្រើនគួរ​ឲ្យចាប់អារម្មណ៍ រហូតដល់ថ្នាក់មានការលើកហេតុផលថា តារាចម្រៀងរូបនេះ​កំពុងចម្លងស្តាយ៍ពី តារា​រ៉េបរបស់​អាម៉េរិក លោក Pitbull ។​

ការបង្ហាញខ្លួន​ចុងក្រោយ​របស់ ឌីជេ ខេក ​ជាពិសេស​តាមរយៈបទ I Love You និងបទជាច្រើនទៀត គេ​ឃើញ តារាចម្រៀង​លេង​ស្តាយ៍ពុកមាត់ តែងតែ​យកស្រីស្អាត និង ពាក់អាវ​ធំៗ ច្រៀង​ ដែល​ធ្វើឲ្យសាធារណមតិ លើកឡើងថា រូបលោក​កំពុង​លួច​ស្តាយ៍ ចម្លងស្តាយ៍ តារាចម្រៀង Pitbull ។​

ជាមួយចំណុច​ដ៏រសើបនេះ ឌីជេខេក បានធ្វើការបដិសេធ ជាមួយនឹង​សាធារណមតិ ដោយលោកបានលើកឡើងថា មួយរយៈចុងក្រោយមកនេះ លោក​ចូលចិត្តពាក់អាវធំ ដោយសារតែលោក ឡើងច្រៀងបទ I am old School ហើយធម្មតា សម្រាប់ Pitbull គាត់​ជាតារាចម្រៀងល្បី ចឹង​គេថា​យើង​យកស្តាយ៍តាម តែធាតុពិតជាស្តាយ៍ក្នុងបទចម្រៀង​ហ្នឹង ដែល​តម្រូវ​ឲ្យពាក់អាវធំ ។​

តារាចម្រៀង លេង​ស្តាយ៍ក្បាលអត់សក់ ខាងលើ បានបន្តថា ការផលិតជា Music Video នេះ តម្រូវ​ត្រូវតែមាន មានប្រុស មានស្រី ហើយសម្រាប់ការយល់ឃើញរបស់គេ ជារឿងរបស់គេ តែសម្រាប់ខ្ញុំប្រើស្តាយ៍លាយគ្នា​ចម្រុះ ជាតិសាសន៍ ដោយយកស្តាយ៍ប្លែកៗ យកមក Mix បញ្ចូលគ្នា ៕​