វា​ជាលើកទី​១ហើយ ដែលលោក អ៊ឹម រតនៈ ហៅ Tin Mark បានអរហើបជើងពីដី រកអ្វីនិយាយមិនត្រូវ ក្រោយកូនប្រុស​នាយករដ្ឋមន្ត្រីនៃព្រះរាជណា​ចក្រកម្ពុជា លោក ហ៊ុន ម៉ាណែត បានយកបទខ្លួននិពន្ធដែលចេញនៅហង្សមាស ក្រោមចំណងជើងថា «ស៊ូឃ្លាត​» ទៅច្រៀង​យ៉ាងដូច្នោះ។​

ក្រោយឃើញ​នូវវីដេអូបែបនេះ លោក អ៊ឹម រតនៈ អ្នកនិពន្ធបទ «ស៊ូឃ្លាត» បានបញ្ជាក់ថា ខ្ញុំស្ទើរតែមិនជឿថា លោក ហ៊ុន ម៉ាណែត ក៏ស្រលាញ់បទរបស់ខ្ញុំដែរ “ស៊ូឃ្លាត” ឡើងពិរោះលើសពីជឿខ្លួនឯងថាអាចបានដល់ថ្នាក់នេះ។​
លោកបានបន្តថាមិនមែន​បងប្អូនខ្មែរ​ទាំងអស់ដែលធ្លាប់ច្រៀង​ លោកមិនសប្បាយចិត្តនោះទេគឺសប្បាយដូចគ្នា​ ប៉ុន្តែអ្វីដែលចាប់អារម្មណ៍ថា មិននឹកស្មានថា លោក ហ៊ុន ម៉ាណែត ដែលជា​ថ្នាក់ដឹកនាំមួយ រវល់ការងារ​យ៉ាងខ្លាំងដូច្នោះ អាច​ច្រៀង​បទដែលលោកបាននិពន្ធ យ៉ាងដូច្នោះសោះ លើសពីការជឿ​។​

លោក អ៊ឹម រតនៈ បន្ត​ទៀតថា លោកក៏នឹកឃើញដែរថា បទនេះចេញដំបូង​បំផុត ដែលមិនទាន់ដាក់បញ្ចូលនៅហង្សមាស គ្មាននរណា​ចាប់អារម្មណ៍នោះទេ តែពេលនេះឃើញស្នាដៃខ្លួនល្បីយ៉ាងដូច្នោះ ជា​កម្លាំង​ចិត្តមួយ ជំរុញ​ឲ្យលោកបង្កើតស្នាដៃបទថ្មី ជាច្រើនទៀត​៕​
ទស្សនា​វីដេអូឃ្លិបដូចខាងក្រោមនេះ៖
https://www.youtube.com/watch?v=_FD4J5nlr6g&feature=youtu.be