កាលពីយប់ថ្ងៃទី២៧ កុម្ភ: តារាចម្រៀងអ្នកនាង ឈិន សុធារី និងស្វាមីគឺលោកសុវណ្ណ មករា បានប្រារព្ធពិធីខួបមួយឆ្នាំកូនភ្លោះប្រុសស្រីរបស់ខ្លួនយ៉ាងអធឹកអធមដោយមានតារាសិល្ប:ល្បីៗជាច្រើនចូលរួម នៅភោជនីយដ្ឋានធំមួយនៅម្ដុំសាលាបឋមសិក្សាទួលគោក។

អ្នកនាងបានប្រកាសក្នុងពិធីនោះថា ខ្លួនឈប់យកកូនទៀតហើយ ដោយសារតែកូនភ្លោះ២នាក់គ្រប់គ្រាន់។ ពិធីខួបមួយឆ្នាំនាយប់នោះ អ្នកនាងឈិន សុធារី បានអះអាងថាអ្នកនាងសប្បាយចិត្តខ្លាំងដែលបានស្វាមី និងអ្នកមានគុណចូលរួមរៀបចំ។

អ្នកនាងថាកូនប្រុសភ្លោះរបស់ខ្លួនមានឈ្មោះថា Sovann Phuranuk និងកូនស្រីភ្លោះឈ្មោះ Sovann Darikya ដោយពិធីដែលបានធ្វើឡើងគឺជាការជួបជុំគ្រួសារទ្រង់ទ្រាយធំលើកទី១ បន្ទាប់ពីភាពអាប់អួរត្រូវបានផុតរលត់។ អ្នកនាងថារវាងនាង និងស្វាមីលែងមានគំនិតខ្វែងគ្នាទៀតហើយ ហើយដោយសារតែចង់បង្ហាញមហាជន និងតារាសិល្ប:ថាទំនាក់ទំនងប្ដីប្រពន្ធរបស់នាងងាកមកយល់ចិត្តគ្នាដូចដើម ទើបអ្នកនាង និងស្វាមីសម្រេចធ្វើខួបកូនជាទ្រង់ទ្រាយធំដើម្បីបង្កើតចំណងស្នេហ៍ឲ្យរឹងមាំ និងដើម្បីបានជួបជុំតារាសិល្ប:ផង។

អ្នកនាងថាតារាសិល្ប:ចាស់ក្មេងៗជាច្រើន ដែលផ្ដល់កិត្តិយសក្នុងកម្មវិធីរបស់ខ្លួន រួមមានអ្នកនាងស្រីតូច ចំណាន ឬម៉ៅ ចំណាន, អ្នកនាងលី ម៉ារីណា, អ្នកនាងផាន់ ម៉ូនីកា, កញ្ញាទឹម រដ្ឋា, កញ្ញាលី ច័ន្ទសីហា, លោក រតន: វិសិដ្ឋ, កញ្ញានីតា វរវង្ស, កញ្ញាកុល ដាវី, និងតារាប្រុសស្រីល្បីឈ្មោះជាច្រើនទៀត។

អ្នកនាងថា ក្រោយក្លាយជាម្ដាយរបស់ក្មេងប្រុសស្រី២នាក់ អ្នកនាងយល់ថាការបន្តពរពោះ ឬចង់បានកូនច្រើនគឺមិនមែនជារឿងងាយស្រួលនោះទេ ជាពិសេសនៅពេលកូនប្រុសស្រីរបស់អ្នកនាងរពិសខ្លាំង ហើយពិបាកមើលថែ ដែលធ្វើឲ្យអ្នកនាងប្រកាសថារាង។

ត្រឹមតែកូនពីរនាក់អ្នកនាងថារកពេលដកដង្ហើមសម្រាប់កិច្ចការផ្ទាល់ខ្លួនមិនបាននោះផង ទើបអ្នកនាងប្រកាសមិនពរពោះទៀតទេ ក្នុងពេលដែលលោកសុវណ្ណ មករា ក៏ឯកភាពយល់ស្រប។ អ្នកនាងថាពរពោះតែម្ដងទទួលបានកូនភ្លោះ២ គឺជាបុណ្យសំណាងរបស់ខ្លួនហើយ ទើបអ្នកនាងមិនយកកូនទៀត បើទោះជាកូនទាំង២មានអាយុចាស់ឆ្នាំជាងនេះ។ អ្នកណាថាខ្លួនត្រូវការពេលវេលាមើលថែខ្លួនឯង និងប្រកបការងារដែលខ្លួននឹកស្រម៉ៃ ទើបសម្រេចមិនយកកូនទៀត ដោយបន់ឲ្យកូនទាំង២ឆាប់ធំអាចប្រលែងបាន អង្អាលចេញទទួលសិល្ប: និងបើកអាជីវកម្ម៕