ព័ត៌មានសិល្បៈ និងកម្សាន្ត

ពៅ ពិសិដ្ឋ ឡើងកូដមិនធម្មតា ក្រោយតោងប្រេនបងស្រី

កាលពីមុនគេកត់សម្គាល់ថា តារាសម្ដែងលោក ពៅ ពិសិដ្ឋ មិនសូវមានទីផ្សារចេញសម្ដែងប៉ុន្មានឡើង ខណ:ដែលលោកក៏ត្រូវគេកត់សម្គាល់ថា ទម្រាំបានតំណែងជាតារាសម្ដែងក្នុងរឿងនីមួយៗ ក៏បានដោយសារបងស្រីរបស់លោក គឺកញ្ញា ពៅ លីដា និងម្ដាយសុំផលិតករឲ្យ។

យ៉ាងណាក៏ដោយក្នុងពេលចុងក្រោយ គឺលោកបានក្លាយជាតារាសម្ដែងដែលក្រុមផលិតករ ស្នើឲ្យសម្ដែងដល់ថ្នាក់រកពេលសម្ដែងមិនបានតែម្ដង ដែលការងារលោកទទួលបានចុងក្រោយ គ្មានការជ្រោមជ្រែងពីម្ដាយ និងបងស្រីដូចមុនទេ។

លោក មុត ថារី ផលិតកររឿងដែលបានជ្រើសរើសលោក ពៅ ពិសិដ្ឋ ឲ្យសម្ដែងកុនបានអះអាង កាលពីមុនលោកមិនសូវស្គាល់លោកពៅ ពិសិដ្ឋ នោះទេ គឺបានស្គាល់តាមតែតាមរយ: កញ្ញា ពៅ លីដា ជាបងស្រី និងម្ដាយរបស់លោកប៉ុណ្ណោះ។ ប៉ុន្តែនៅពេលដែលលោកសាកល្បងឲ្យសម្ដែង លោកកត់សម្គាល់ថា លោក ពៅ ពិសិដ្ឋ ក្រៅពូមានរូបរាងសង្ហារ គឺលោកសម្ដែងល្អមិនចាញ់តារាជើងចាស់នោះទេ។ លោកថា លោកពៅ ពិសិដ្ឋ ត្រូវបានលោកជ្រើសឲ្យសម្ដែងក្នុងរឿងភាគ«ដួងច័ន្ទ ដួងចិត្ត» ដោយក្នុងរឿងនេះ ដ្បិតថាលោកមិនមែនសម្ដែងជាតួឯក ប៉ុន្តែលោកក៏សម្បូរប្លង់លេងមិនខុសពីតួឯកនោះដែរ។

លោកសរសើរលោកពៅ ពិសិដ្ឋ សម្ដែងបានល្អ តាមរយ:ភាពយន្តដែលគេបានសម្ដែងក្នុងរឿងរបស់លោកកាលពីលើកទី១ ទើបលោកកក់ក្ដៅសម្រាប់ការជ្រើសរើសឲ្យសម្ដែងក្នុងរឿងទី២នេះ។ ក្រោយបញ្ចប់រឿង«ដួងច័ន្ទដួងចិត្ត» នៅPNN លោកនៅមានភាពយន្តជាច្រើនបន្តទៀត ដើម្បីឲ្យលោកទទួលសម្ដែង ដោយលោកបញ្ជាក់ថា ទម្រង់មុខ រូបរាង និងទេពកោសល្យរបស់លោក ពៅ ពិសិដ្ឋ ទោះដាក់ឲ្យលេងអ្វីក៏សម ដែលលោក និងផលិតដទៃត្រូវការ។

លោកពៅ ពិសិដ្ឋ បានសារភាពថា កាលពីមុនទម្រាំបានថត ពិតជាត្រូវអាស្រ័យលើបងស្រី និងម្ដាយអុីចឹងមែន។ ប៉ុន្តែនៅក្នុងរយ:ពេលចុងក្រោយ លោកមានតែត្រូវផលិយករ ទាក់ទងមកស្នើពីម្ដាយ និងបងស្រីជួយទទួលការសម្ដែងទៅវិញ នៅពេលដែលយល់ថាខ្លួនឯងជសប់កុងត្រាអស់ទៅហើយ ហើយពិបាកបែងចែកពេលវេលា។ លោកថាខ្លួនសម្បូរការងាចុះថតខ្លាំងណាស់ ជាក់ស្ដែងគ្រាន់តែឈានចូល២០១៨ភ្លាម គឺមានរឿងភាគប្រចាំទូរទស្សន៍បុកមកណែនដៃតែម្ដង។ យ៉ាងណាមិញ លោកនៅតែសរសើរថា ហេតុផលដែលលោកទទួលបានទីផ្សារដល់ថ្នាក់ចុះខេត្តឡើងភ្នំពេញ ហើយថតមិនស្គាល់យប់ថ្ងៃនៅក្នុងពេលនេះ គឺដោយសារចំហាយរបស់បងស្រី គឺពៅ លីដា និងម្ដាយ ដែលជាអ្នកដឹកដៃប៉ុណ្ណោះ។ មកទល់ពេលនេះ លោមកាន់តែមានឱកាសសម្ដែងច្រើនរឿង ដោយរឿងក្រោយបានឡើងតំណែងជាតួរងសំខាន់ និងជាតួអង្គឯក២គូ ឬ៣គឋុផងដែរ ដូចជាក្នុងរឿង «ក្រមុំឆ្នាស់ ប៉ះមេស្រុកឆ្មើម» ដែលកំពុងដាក់បញ្ចាំងនៅPNN រាល់ថ្ងៃ និងរឿង«ដួងច័ន្ទ ដួងចិត្ត» របស់PNN ដូចគ្នា ដែលទើបក្រុងពាលីមុននេះ ជាភស្តុតាងស្រាប់៕

មតិយោបល់