Post News Media ព័ត៌មានសិល្បៈ និងកម្សាន្ត ជោគជ័យមែន! យុ...

ជោគជ័យមែន! យុគ ចិន្តា បើកហាងធំដុំ ផ្អើលក្រុងសៀមរាប

គ្មានអ្នកណាមិនភ្ញាក់នោះទេ នៅពេលដែលបានទៅឃើញពិធីសម្ពោធហាងថ្មីសន្លាងរបស់ អ្នកនាង យុគ ចិន្តា កាលពីល្ងាចថ្ងៃទី២១ ធ្នូ នៅខេត្តសៀមរាប ខណ:ដែលហាងដែលប្រកាសបើកនោះ គឺមានច្រើនជាន់ ហើយគ្រាន់តែការចំណាយយ៉ាងហោចជាង៤០មុឺនដុល្លារ។ យ៉ាងណាមិញ អ្នកនាងប្រកាសថា មុខជំនួញរបស់ខ្លួននេះ អ្នកនាងគ្រាន់តែជាភាគហ៊ុនតូចប៉ុណ្ណោះ ដោយភាគហ៊ុនធំគឺគឺជាមិត្តដ៍ជិតស្និទ្ធរបស់អ្នកនាងទៅវិញទេ។

អ្នកនាង យុគ ចិន្តា និយាយថា ហាងបារ និងភោជនីយដ្ឋានយីហោ”សុខ:រីវើ-ឡោញ”ដែលបើកដំណើរការ នៅទល់មុខស្ទឹងសៀមរាប ស្ថិតនៅជិតព្រះអង្គចេកព្រះអង្គចម នៅខេត្តសៀមរាបនេះ អ្នកនាងមានហ៊ុនតូចទេ ដោយភាគហ៊ុនធំគឺលោក Soann Kan ជាអ្នកជំនួញល្បីឈ្មោះនៅខេត្តសៀមរាប ដែលជាមិត្តកម្សត់កម្ររបស់អ្នកនាងប៉ុណ្ណោះ។ អ្នកនាងថា បុរសដែលអ្នកនាងសម្រេចចិត្តដាក់ហ៑ុនជាមួយនេះ រាប់គ្នាលើសពីបងប្អូន និងមិត្តភ័ក្ត្រជិតស្និទ្ធច្រើនឆ្នាំមកហើយ គឺជាមិត្តភ័ក្ត្ររបស់អ្នកនាងច្រើនឆ្នាំមកហើយ ទើបអ្នកនាងសម្រេចចិត្តដាក់ហ៊ុននៅពេលមានការស្នើឲ្យចូល។ អ្នកនាងបដិសេធបង្ហើបឲ្យដឹងពីចំនួនទឹកប្រាក់ដែលអ្នកនាងដាក់ហ៑ុនជាមួយ ដោយគ្រាន់តែអះអាងថា ហាងដែលទើបបើកសម្ពោធមួយនេះ ប្រើទុនសរុបច្រើនសែន។

ក្នុងពិធីសម្ពោធហាងនោះ អ្នកនាងចេញមុខអញ្ជើញភ្ញៀវច្រើនកុះករ ដោយតារាសិល្ប:ក៍អ្នកនាងអញ្ជើញច្រើននាក់ផងដែរ ដូចជា ថៅកែហាងឌែម៉ូគ្លីនិក, លោកខេម, អ្នកនាង គីង សូរិយា, លោក រតន: វិសិដ្ឋ, កញ្ញា ហង្ស សុជាតា, និងតារាល្បីៗមួយចំនួនទៀត។ ក្នុងនោះ សម្រាប់ភ្ញៀវជាខាងក្រៅសិល្ប:វិញ គឺចូលរួមកុះករតែម្ដង ទើបធ្វើឲ្យហាងរបស់អ្នកនាងដែលមានកម្ពស់៣ជាតិ កកកុញដោយអ្នកចូលរួម។

លោក Soann Kan ជាម្ចាស់ភាគហ៊ុនធំបញ្ជាក់ថា ដោយសារតែអ្នកនាងក៍មានចំណូលចិត្ត និងជោគជ័យក្នុងអាជីវកម្មនើកភោជនីយដ្ឋានមួយដែរនៅភ្នំពេញ ទើបលោកអញ្ជើញឲ្យអ្នកនាងចូលហ៊ុនរួមគ្នា។ លោកថាសប្បាយចិត្តយ៉ាងខ្លាំង ដែលអ្នកនាងបានក្លាយជាម្ចាស់ហ៊ុនមួយ ខណ:ដែលក្នុងពិធីបើកសម្ពោធ លោកក៍ប្រកាសថា នឹងចាប់ដៃបើកជំនួញជាមួយអ្នកនាងក្នុងពេលបន្តបន្ទាប់ទៀត។

សូមទស្សនាទិដ្ឋភាពបើកសម្ពោធហាងរបស់អ្នកនាង និងដៃគូ ដែលទើបបញ្ចប់ក្ដៅៗ នៅខេត្តសៀមរាប៖