នៅព្រឹកថ្ងៃទី ១៦ ខែមីនា ឆ្នាំ ២០១៩ តារាសិល្បៈមួយក្រុមមកពី “គ្រួសារតារាកម្ពុជា” បានជួបជុំគ្នាថតស្ពតអប់រំ ដែលជាសាច់រឿងនិយាយពីសុជីវធម៍ និងឥរិយាបទក្នុងឱកាសបុណ្យចូលឆ្នាំខ្មែរ។ ឈុតស្ពតនេះ នឹងត្រូវចាក់ផ្សាយ នៅលើកញ្ចក់ទូរទស្សន៍ជាតិទ.ទ.ក.(TVK) ក្នុងអំឡុងបុណ្យចូលឆ្នាំខ្មែរខាងមុខ។

សកម្មភាពនេះ ត្រូវបានថតយ៉ាងសកម្ម ក្នុងបរិវេណព្រះវិហារបុរាណខ្មែរវត្ត វិចិត្តារាម នៅម្ដុំគៀនស្វាយ។

លោក ផាត់ តារារដ្ឋ ជាស្ថានិក និងអ្នកដឹកនាំក្រុម គ្រួសារតារាកម្ពុជា បានថ្លែងប្រាប់ថា ដោយសារតែស្ពតអប់រំនេះ បង្ហាញពីសុជីវធម៍មួយចំនួន ក្នុងអំឡុងបុណ្យចូលឆ្នាំខ្មែរ ហើយមានតម្លៃសម្រាប់ផ្សព្វផ្សាយ ទើបលោកសម្រេច ដឹកនាំតារាសិល្បៈក្នុងក្រុមគ្រួសារតារាកម្ពុជា ដើម្បីអោយចូលរួមថតស្ពតនេះ។ ក្នុងស្ពតនេះ ក៏បានរំលេចសំលៀកបំពាក់បែបខ្មែរ រួមមាន ហូលផាមួង អាវប៉ាក់ និងបង្ហាញពីល្បែងប្រជាប្រិយខ្មែរជាដើម ក្រៅពីបង្ហាញអោយឃើញ ពីតម្លៃសុជីវធម៍របស់យុវវ័យខ្មែរ ក្នុងឱកាសបុណ្យចូលឆ្នាំខ្មែរ។

ខាងក្រោមនេះជាសកម្មភាពក្រៅឆសករបស់តារាសម្ដែង ក្នុងសកម្មភាពថតស្ពតនេះ៖