ផ្ទះ ព័ត៌មានសិល្បៈ និងកម្សាន្ត អ៊ិន សុភិន រំ...

អ៊ិន សុភិន រំភើបនឹងកូនក្រុមលើកពានជើងឯក ខណៈខ្លួននៅលើយន្តហោះ

0

លោក អ៊ិន សុភិន ម្ចាស់ផលិតកម្មមហាហង្ស និងជាប្រធានក្រុមបាល់ទាត់មហាហង្ស បានសម្ដែងអារម្មណ៍រំភើបចិត្ត យ៉ាងខ្លាំងពីលើយន្តហោះ បន្ទាប់ពីលោកចាកចេញ ទៅប្រទេសរុស្ស៊ី កាលពីល្ងាចថ្ងៃទី២២ កញ្ញា ប៉ុន្តែក្នុងម៉ោងដដែល ក្រុមបាល់ទាត់ មហាហង្សរបស់លោក បានក្លាយជាម្ចាស់ពានជើងឯក។ លទ្ធផលលើកពាន ស្របគ្នានឹងមេក្រុមចេញទៅប្រជុំការងារនេះ សុទ្ធតែធ្វើឲ្យម្នាក់ៗមានការចាប់អារម្មណ៍។

លោកលោក អុិន សុភិន និយាយថា គ្មានអ្វីសប្បាយចិត្ត ជាងរូបលោកស្ថិតក្នុង ការហោះហើរទៅកាន់ប្រទេសរុស្សុី ប៉ុន្តែក្រុមបាល់ទាត់ មហាហង្ស All Stars របស់លោក បានក្លាយជាអ្នកលើកពាន នៅក្នុងការប្រកួតដណ្ដើមពានរង្វាន់ឯកឧត្តម សុខសុវណ្ណវឌ្ឍនាសាប៑ុង ដែលមានរហូតដល់ ៣២ក្រុមចូលរួមនោះទេ។

លោកថាព្រឹត្តិការណ៍នេះ បែងចែកជា៨ពូលហើយមានការប្រកួតចាញ់ធ្លាក់ៗ ដោយមានការប្រកួតខ្វែងពូលជាច្រើនដំណាក់កាលផង។ អុីចឹងហើយ ទើបលោក សប្បាយចិត្ត ដែលក្រុមមហាហង្សរបស់លោក នៅតែមានសំណាងឡើង ប្រកួតក្នុងវគ្គផ្ដាច់ព្រ័ត្រ ហើយក្លាយជាម្ចាស់មេដាយមាស និងជាម្ចាស់ពានជើងឯក បើទោះជាលោកមិនបានទៅគាំទ្រលើកទឹកចិត្ត។

លោក អុិន សុភិន ថ្លែងបន្តក្នុងពេលយន្តហោះចុះចតនៅម៉ាឡេសុី មុនបន្តទៅប្រទេស រុស្សុីថា លោកពិតជាសប្បាយចិត្តយ៉ាងខ្លាំង ដែលត្រូវដឹកនាំក្រុមការងារ ទៅប្រជុំពីមុខជំនួញផ្គត់ផ្គង់សេវាដឹកជញ្ជូន ប៉ុន្តែកូនក្រុមរបស់លោក ស្រាប់តែកូនក្រុម បានលើកពាន។ លោកថា មុនឡើងយន្តហោះមួយថ្ងៃ លោកបានទៅគាំទ្រ កូនក្រុមទាំងភ្លៀង ហើយលោកមិននឹកស្មានថា ក្រុមបាល់ទាត់មហាហង្ស ក្លាយជាលើកពាន នៅក្នុងការប្រកួតនេះទេ ដោយសារតែការប្រកួតទាំងមូល មានច្រើនក្រុម ហើយសុទ្ធតែក្រុមល្អ។ លោកកាន់តែសប្បាយចិត្ត នៅពេលអ្នកចាំទី ក្នុងក្រុមរបស់លោក ត្រូវបានអ្នករៀបរាប់ចាត់ទុកជាអ្នកចាំទីឆ្នើម។

លោកថាខ្លួនទៅរុស្សុីប្រជុំបន្ទាន់ បើកុំដូច្នេះលោកពិតជាបានអបអរ ដោយផ្ទាល់ដល់ កូនក្រុម ដែលខំប្រឹងប្រែងរហូតលើកពាន។ យ៉ាងណាមិញលោកថា ក្រោយត្រលប់ មកវិញនៅថ្ងៃទី២៨ កញ្ញា លោកនឹងរកឱកាសជប់លៀង ឲ្យកីឡាករបាល់ ទាត់ទាំងអស់ ដើម្បីលើកទឹកចិត្តដល់បុគ្គលិក របស់ផលិតកម្មទាំងនោះផង៕

Loading...

Leave a Reply

This site uses Akismet to reduce spam. Learn how your comment data is processed.