ការញាក់ភ្នែកគឺជាចលនាមួយអឆន្ទៈនៃត្របកភ្នែករៀងរាល់២ ឬ៣វិនាទីម្តង។ ជួនកាលការញាក់នេះគឺមានខ្លាំងដែលធ្វើអោយត្របកភ្នែករបស់អ្នកបិទ ជិតទាំងស្រុងមុននឹងបើកសារជាថ្មីនោះ។
ការញាក់ភ្នែកនេះ អាចមាន និងបាត់ទៅវិញក្នុងរយៈពេល២ ទៅ៣ថ្ងៃ, ជាច្រើនសប្តាហ៍ ឬជាច្រើនខែ។ ការញាក់នេះមិនបណ្តាលអោយឈឺ, ប៉ុន្តែវាអាចរំខាន។ ចំពោះទម្រង់ទូទៅបំផុតនោះ ដែលមិនប៉ះពាល់អ្វីនោះ, ការញាក់ភ្នែកវាបាត់ទៅវិញដោយខ្លួនវា ទោះបីជាវាអាចកើតមានទៅមកៗក៏ដោយ។

ជាការកម្រ, ការញាក់ភ្នែកអាចជាសញ្ញាដំបូងបង្អស់នៃជំងឺនៃចលនារ៉ាំរ៉ៃ(Chronic movement disorder) ជាពិសេសប្រសិនបើការញាក់មុខដទៃទៀតកើតមានបន្ថែមជាមួយនឹងការញាក់ ភ្នែកនោះ។

មូលហេតុ

មនុស្សម្នាក់ៗ អាចមានការញាក់ភ្នែកម្តងម្កាលដោយមិនមានមូលហេតុអ្វីដែលកត់សម្គាល់ នោះទេ។ ប៉ុន្តែជួនកាលមូលហេតុនៃការញាក់ភ្នែកអាចត្រូវបានកំណត់។ ក្នុងករណីទាំងនោះ, ការញាក់ត្របកភ្នែកអាចត្រូវបានផ្សារភ្ជាប់ដោយសារៈ

– ការទទួលទានស្រា

– ការទទួលទានជាតិកាហ្វេអ៊ីន

– អស់កម្លាំង

– រលាកផ្ទៃនៃភ្នែក ឬស្រទាប់នៃត្របកភ្នែក

– គេងមិនគ្រប់គ្រង

– ហាត់កីឡាខ្លាំងពេក

– ជក់បារី

– ស្ត្រេស

ភាពរ៉ាំរ៉ៃ, ភាពមិនអាចគ្រប់គ្រងការញាក់នៃត្របកភ្នែកត្រូវបានគេស្គាល់ដូចទៅ នឹងការញាក់ភ្នែកធម្មតា។ ទោះបីជា មូលហេតុពិតប្រាកដរបស់វាមិនត្រូវបានគេស្គាល់ក៏ដោយ, ប៉ុន្តែជំងឺខាងក្រោមនេះក៏អាចបណ្តាលអោយញាក់ភ្នែកផងដែរដែលរួមមានៈ

– រលាកត្របកភ្នែក

– ភ្នែកស្ងួត

– មិនអាចត្រូវនឹងពន្លឺបាន

– រលាកភ្នាសនៃភ្នែក

ជាការកម្របំផុត, ការញាក់ភ្នែកអាចជាសញ្ញានៃជំងឺខួរក្បាល និងសរសៃវិញាណមួយចំនួន។ នៅពេលដែលវាមានជំងឺដូច្នេះមែន, វាតែងតែត្រូវបានមានមកជាមួយនូវរោគសញ្ញានានា។

នៅពេលណាដែលគួរទៅជួបនឹងគ្រូពេទ្យ

ជាធម្មតាការញាក់ភ្នែកនឹងបាត់ទៅវិញដោយខ្លួនវាក្នុងរយៈពេល ប៉ុន្មានថ្ងៃ ឬប៉ុន្មានខែ។ សូមធ្វើការណាត់ជួបជាមួយនឹងគ្រូពេទ្យប្រសិនបើៈ

– ការញាក់មិនបាត់ក្នុងរយៈពេលមួយ ទៅបីសប្តាហ៍

– ត្របកភ្នែកគឺបិទទាំងស្រុងនៅពេលដែលមានការញាក់ម្តងៗ

– ការញាក់កើតមានឡើងនៅផ្នែកណាមួយនៅលើមុខរបស់អ្នក

– ភ្នែករបស់អ្នកឡើងក្រហម, ហើម ឬមានខ្ទុះ ឬអ្នកសម្គាល់ឃើញថាមានធ្លាក់ត្របកភ្នែក

អត្ថបទ៖Health