នៅពេលថ្មីៗនេះ ដែរ ប្រភពព័ត៌មានរបស់ Asiancrunch បានចុះបង្ហាញឲ្យដឹងថា ក្រុមតារាចម្រៀងស្រិស្រស់ S.H.E នឹងវិលត្រលប់មកវិញជាមួយនឹងអាលប៊ុមថ្មីរបស់ពួកគេ ដែលផ្តោតលើកាព្យនិទានម្យ៉ាង ហើយក៏ជាចម្រៀងដែលមានពន្លឺចិញ្ជឹងចិញ្ជាចដែលផុសចេញពីបេះដូង នៃហេតុការណ៍គ្រោះថ្នាក់របស់ Selina។

កាលពីថ្ងៃទី ២២ ខែ តុលា ឆ្នាំ ២០១០ នាង Selina ជាប់ទាក់ទងនឹងគ្រោះថ្នាក់បន្ទុះគ្រាប់បែកនៅក្នុងរឿងបុរាណ” I have A Date With Spring” ដែលបង្ករឲ្យភ្លើងបានរោលរាលដុតលើខ្លួនប្រាណរបស់នាង ហើយបានបំផ្លាញជើងរបស់នាង ខណះនោះនាងបានននៀលដើរចេញពីទីនោះ។ដោយហេតុភេទខាងលើ ភ្នាក់ងាររបស់ S.H.E បានសម្រេចមិនដាក់ឲ្យនាងរាំនោះទេ សម្រាប់អាលប៊ុមថ្មីមួយនេះ។

សម្រាប់អាលប៊ុមថ្មីមួយនេះ នឹងអាចចេញនៅនៅចុងខែ តុលា ខណះដែលអាលប៊ុមថ្មីនោះយើងមិនទាន់បានដឹងចំណងជើងនៅឡើយ។ហើយកាលពីម្សិលមិញនេះដែរ ក្រុមតារាចម្រៀង ស្រី S.H.E បានធ្វើបុណ្យខួបលើកទី ១១ របស់ខ្លួនផងដែរ ៕