បទចម្រៀង’Gangnam Style’របស់តារាចម្រៀង Psyបានក្លាយទៅជាបទចម្រៀងដែលត្រូវបានគេនិយមទស្សនាវីដេអូនៅ Youtube ដោយវាយប្រហារទៅលើបទ ចម្រៀងរបស់តារាចម្រៀងវ័យក្មេង Justin Bieber ក្រោមចំណងជើងថា ‘Baby’។

យោងតាមប្រភពព័ត៌មានដែលចុះបង្ហាញកាលពីថ្ងៃទី ២៣ កន្លងមកបានឲ្យដឹងថា តារាចម្រៀង Psy គឺកំពុងតែក្លាយជាទីចំណាប់អារម្មណ៍របស់ អ្នកទស្សនាពាសពេញពិភពលោក ហើយក៏បានបំបាក់បទ ចម្រៀងតារាចម្រៀង Justin Bieber ផងដែរ ដោយទទួលបានអ្នកចុចបង្ហាញរហូតដល់ទៅ ៨០៥ Millions (805m views)។

បទ ចម្រៀងរបស់តារាចម្រៀងកូរ៉េខាងត្បូងរូបនេះកំពុងស្ថិតនៅលើលំដាប់កំពូលតារានៃពិភពលោក ។ចំណែកបន្ទះស៊ីឌីគឺលក់បានរហូតដល់ទៅ 4 Millions Copies នៅលើពិភពលោក។

ក្នុងខែ នេះកន្លងមកថ្មីៗនេះដែរ តារាចម្រៀង Justin Bieber ក៏ត្រូវបានគេបញ្ជាក់ពីភាពជោគជ័យរបស់ខ្លួនផងដែ រចំពោះវីដេអូបទចម្រៀង Baby ដែលមានអ្នកចុចបង្ហាញត្រឹមតែ 803 million views ដែលបទនេះផុសលើ Youtube តាំងពីខែ កុម្ភៈ ឆ្នាំ ២០១០។

ចុងក្រោយនោះ Psy ក៏បានប្រលយសម្តីថា តារាចម្រៀងវ័យក្មេង Justin Bieberអាចនឹងក្លាយទៅជាដៃគូររបស់លោកសម្រាប់អនាគតផងដែរ៕