តារាចម្រៀងស្រីជួរមុខរបស់ផលិតកម្ម រស្មីហង្សមាស កញ្ញា ពេជ្រ សោភា ដែលងាកខ្លួនមកក្រសោបបទកន្ទ្រាកអារម្មណ៍ នោះ នៅពេលថ្មីៗនេះដែរ បានលេចព័ត៌មានថា នាងកំពុងរងគ្រោះថ្នាក់ចរាចរណ៍។
ជុំវិញនៃគ្រោះថ្នាក់ចរារចរណ៍នេះដែរ បានលេចឭព័ត៌មានពីមាត់មួយទៅមាត់មួយខ្សឹបខ្សៀវមិនដាច់ ថានាងកំពុងរងគ្រោះថ្នាក់យ៉ាងធ្ងន់ធ្ងរ ដែលមិនអាច និងឡើងច្រៀងក្នុងកម្មវិធី ធំប្រចាំឆ្នាំ របស់ផលិតកម្មរស្មីហង្សមាស Best of the Best ប្រចាំឆ្នាំ ២០១៣ នាពេលខាងមុខនេះ។
ព័ត៌មានដ៏រសើបនេះដែរត្រូវបាន មហាជននិងអ្នកគាំទ្រជាច្រើនចង់ដឹងចង់ឭ ថា តើនាងយ៉ាងម៉េចហើយ ចំពោះស្ថានភាពគ្រោះថ្នាក់នេះ?
ពេជ្រ សោភា ឆ្លើយឆ្លងតាមរយៈទូរស័ព្ទដៃជាមួយនឹង គេហទំព័រដំណឹង ក្នុងអំឡុងម៉ោង ១១ ព្រឹកនេះ នាងបានថ្លែងថា “នាងមិនមានបញ្ហាធ្ងន់ធ្ងរអ្វីនោះទេ ដោយគ្រាន់តែឆ្លងកាត់ផ្លូវទៅទិញកាហ្វេញុំានៅក្បែរផ្ទះ ហើយម៉ូតូក៏បានកៀរ នាង ដោយគ្រាន់តែរបួសតិចតូចតែប៉ុណ្ណោះ ។ចប់ការថ្លែងតែតិចតូចប៉ុណ្ណេះ នាងថ្លែងថា ចាំមើលក្រោយចាំខលមកនាងទៀតចុះ ព្រោះថាពេលនេះ នាងកំពុងរវល់ “។
តាមស្ថានភាពឆ្លើយឆ្លងសម្តីតាមរយៈទូរស័ព្ទ ដៃ ជាមួយនឹងពេជ្រ សោភា យើងអាចធ្វើការសន្និដ្ឋានថា នាងមិនមានបញ្ហានោះទេ ហើយនិងអាចឡើងច្រៀង នៅក្នុងកម្មវិធីធំនៅថ្ងៃទី ៨ ខែមីនា ប្រចាំឆ្នាំ ២០១៣ ដោយធម្មតា ៕
មតិយោបល់