នៅព្រឹកនេះក្រុមហ៊ុនសាន់ដេភាពយន្ត បានធ្វើសន្និសីទកាសែតមួយបកស្រាយពី រឿងគ្រោះថ្នាក់ចរាចរណ៍ កាលពីថ្ងៃទី៧ និងរឿងពាក់ព័ន្ធជាមួយនឹងក្មេងម្នាក់ ដែលមានអាយុតែខួប នោះដោយគេសង្ស័យថា ជាកូនរបស់តារាចម្រៀង ខេមរៈ សិរីមន្ត។
ខេមរៈ សិរីមន្ត នៅព្រឹកនេះ ក្នុងសន្និសីទ កាសែត បានច្រានចោលព័ត៌មានដែលទាក់ទង និងនារីម្នាក់ និងកូន ដែលស្ថិតនៅក្នុងហេតុការណ៍គ្រោះថ្នាក់ចរាចរណ៍ ជាមួយនិងលោកដោយដាច់អហិង្កា ថា”នោះមិនជាកូនរបស់លោកនោះទេ “។
ជុំវិញនៃព័ត៌មាននេះ ម្តងហើយម្តងទៀតតារាចម្រៀងរូបនេះ តែងតែច្រានចោលជានិច្ច ទោះបីជាមានអ្នកជិតខាង និងអ្នកកៀកកើយបានផ្តល់ព័ត៌មានថានោះជាកូនរបស់លោកក៏ដោយ។
កាលពីដើមឆ្នាំ ២០១២ មានអ្នកសារព័ត៌មានក្នុងស្រុកមួយបានចុះបង្ហាញឲ្យដឹងថា “ខេមរៈសិរីមន្តរស់នៅជាមួយនឹងប្រពន្ធកូនជាមួយនឹងវិឡាដ៏ស្កឹមស្កៃ” តែព័ត៌មានមួយនេះលោកបានច្រានចោលទៀតថា វាមិនមែនជារឿងពិតនោះទេ ។ក្រោយមកទៀតមានសារព័ត៌មានក្នុងស្រុកមួយទៀតបានបន្តថា “សិរីមន្តមិនហានស្បថ” តែព័ត៌មាននេះ លោកបានតបវិញថា រឿងស្បថគ្រាន់តែជារឿងទល់ច្រកតែប៉ុណ្ណោះ ដោយមិនបានផ្តល់ព័ត៌មានអ្វីវែងឆ្ងាយនោះទេ។
រហូតមកដល់ឆ្នាំ ២០១៣ នេះដែរ ខណៈដែលគ្រោះថ្នាក់ចរាចរណ៍ ខាងលើកើតឡើង ដែលបណ្តាឲ្យកូននាយ កុយ ឈ្មោះ ជី វីរៈ និងកូនលោកយាយ ណយ សំណាង បានស្លាប់ក្នុងគ្រោះថ្នាក់នេះ គេបានឃើញ តារាចម្រៀងរូបនេះ បានវាចេញពីឡាន និងមាននារីពីរនាក់ ដែលបីកូនក្មេងដែលមានវ័យ ១ ខួប តែសន្និសីទព្រឹកមិញនេះលោកនៅបដិសេធថាមិនមែនជាកូនលោក។
មហាជនជាច្រើបានងឿងឆ្ងល់ និង គិតថា បើសិនជាមិនមែនតើកូននោះជាកូនរបស់នរណាទៅ?មហាជនដដែលនៅមានមន្ទិលសង្ស័យថា ប្រហែលជាលោក មិនបានរៀបការ ដោយរស់នៅលួចលាក់ជាមួយនឹងគ្នា រហូតដល់មានកូន ហើយខ្លាចព័ត៌មាននេះបើកចំហរឡើង នឹងធ្វើឲ្យកេរ្តិ៍ឈ្មោះអាប់អួន។
ព័ត៌មានជាក់លាក់ទាក់ទិន និងសិរីមន្តធ្វើការបដិសេធថា មិនមែនជាកូនរបស់ ខ្លួន យ៉ាងណានោះ គេហទំព័រ ដំណឹង និងផ្សាយជូនបន្តទៀតនៅពេលក្រោយ៕
មតិយោបល់