​លោក Andy Rubin ជា​ស្ថាបនិក​បង្កើត​ប្រព័ន្ធ​ដំណើរការ​ទូរស័ព្ទ Android OS ដែលជា​ប្រព័ន្ធ​ដំណើរការ​ធំ​ជាង​នៅលើ​ពិភពលោក បានសម្រេច​ចិត្ត​លាឈប់​ពី​ការងារ នេះ​បើ​យោងតាម​ការ​ឲ្យ​ដឹង​ពី​ក្រុមហ៊ុន កាលពី​ថ្ងៃ​ពុធ ម្សិលមិញ​នេះ​។​
​ក្រុមហ៊ុន Google បាន​ជ្រើស​រើ​ង​លោក Sundar Picai ដែល​បច្ចុប្បន្ន​ជា​អ្នក​គ្រប់​គ្រង់ Chrome Web Browser , Google Drive និង Gmail ឲ្យ​កាន់តំណែង​ជំនួស​លោក Andy Rubin​។ នៅក្នុង​ប្លក់​របស់លោក Larry Page នាយក​ប្រតិបត្តិ​ក្រុមហ៊ុន Google បានសរសេរថា លោក​ពិតជា​កោតសរសើរ​ចំពោះ​ស្នាដៃ​របស់លោក Andy Rubin ដែល​បានធ្វើ​ឲ្យ Android OS ក្លាយជា​ប្រព័ន្ធ​ដំណើរការ​ទូរស័ព្ទដៃ​ធំ​ជា​គេ​បំផុត​។​
​គួរ​រំឭក​ផងដែរ​ថា Android បាន​បង្កើតឡើង​កាលពី​ឆ្នាំ ២០០៣ ហើយ​នៅ​ឆ្នាំ ២០០៥ ត្រូវបាន​ក្រុមហ៊ុន​យក្ស Google ទិញយក ដោយបាន​ទិញយក​ទាំង​បុគ្គលិក​ជាន់ខ្ពស់​ជាច្រើនរូប​ផងដែរ​៕

​