​តារាចម្រៀង Jenfer Lopez បាន​ប្រញាប់ប្រញាល់​ធ្វើដំណើរ​ទៅ​កាន់​ទី​សុ​វត្ថ​ភាព​បន្ទាប់​ស្នូរ​កាំភ្លើង​ផ្ទុះ​ឡើង ពី​កន្លែង​ថត​វីដេអូ​ចម្រៀង​ថ្មី​របស់​នាង ប្រហែលជា ៣០០ ម៉ែត្រ​។​
​កាលពី​ល្ងាច​ថ្ងៃអាទិត្យ​កន្លងទៅនេះ ខណៈ​ដែល​តារាចម្រៀង Jenfer Lopez បាន​កំពុង​ថត​វីដេអូ​ចម្រៀង ក្រោម​ចំណងជើង​ថា “Live It Up” នៅ​ឆ្នេរ​ខ្សាច់​រដ្ឋ Florida រំពេច​នោះ​ក៏​ឭ​សូរ​ស្នូរ​កាំភ្លើង ផ្ទុះឡើង ដែល​កៀក​នឹង​តារាចម្រៀង Jenefer Lopez និង​ធ្វើឲ្យ​ហ្វូង​មនុស្ស​ដែល​នៅ​កម្សាន្ត​ឆ្នេរសមុទ្រ​នោះ​មាន​ការភ្ញាក់ផ្អើល បាន​រុះ​រាន់​ចាក់ចេញ​ពី​កន្លែង​ហេតុ​ខាងលើ​រួមទាំង​តារាចម្រៀង Jenefer Lopez ផងដែរ​។​

​ក្រោយ​ហេតុការណ៍​ផ្ទុះ​កាំភ្លើង​នេះ​កើតឡើង ប៉ូលិស បាន​មកដល់ នឹង​ស៊ើបអង្កេត ដោយ​ចាប់​ជនសង្ស័យ​មួយចំនួន​នៅលើ​ឆ្នេរសមុទ្រ ប៉ុន្តែ​ក្រុម​ប៉ូលិស មិន​បាន​ស្វែងរក​ឃើញ​កាំភ្លើង​នោះ​ទេ ។​

​ចំណែក​ប្រភព ព័ត៌មាន​របស់ ET A បាន​ធ្វើ​ការសម្ភាសន៍​ជាមួយ​នឹង​តារាចម្រៀង Jenefer Lopez អំពី គ្រោះថ្នាក់​នេះ​តាមរយៈ​ធ្វី​ត​ទ័​រ ដោយ​នាង​សន្ទនា​ថា ការផ្ទុះ​គ្រាប់កាំភ្លើង​នេះ កើតឡើង​នៅ ឆ្នេរ​Fort Lauderdale ប៉ុន្តែ​រំពេច​នោះ​អ្នកការពារ​របស់​នាង បាន​នាំ​នាង​ចេញ​ទៅ​ឆ្ងាយ ដោយ​នាង​បាន​ឭ​សម្លេង និង​ឃើញ​ឡានពេទ្យ​មក ដែល​ឆ្ងាយ​ពី​នាង​ថត​វីដេអូ​ចម្រៀង​របស់​នាង ជាង ៣៥០ ម៉ែត្រ​។​
​ចំណែក​ក្រុម​ប៉ូលិស​បាន​និយាយថា មិន​មាន​នរណា​ម្នាក់​គ្រោះថ្នាក់​នោះទេ ក្នុង​ហេតុការណ៍​ផ្ទុះ​គ្រាប់កាំភ្លើង​នេះ​៕​
https://i1272.photobucket.com/albums/y389/domneng/Jenefer%20Lopez/Jlo1_zpsfcb5b978.jpg
https://i1272.photobucket.com/albums/y389/domneng/Jenefer%20Lopez/jlo3_zps8d6f2031.jpg
https://i1272.photobucket.com/albums/y389/domneng/Jenefer%20Lopez/jlo6_zps53c3068d.jpg
https://i1272.photobucket.com/albums/y389/domneng/Jenefer%20Lopez/jlo7_zpsd0e2e21f.jpg
https://i1272.photobucket.com/albums/y389/domneng/Jenefer%20Lopez/jlo8_zps9833dd2a.jpg
https://i1272.photobucket.com/albums/y389/domneng/Jenefer%20Lopez/jlo9_zps6c0b9cc8.jpg
https://i1272.photobucket.com/albums/y389/domneng/Jenefer%20Lopez/jlo10_zps3e17ab48.jpg