(ភ្នំពេញ)៖ ទស្សនិកជនដែលនិយមតាមដានខ្សែភាពយន្តជីវិត ដែលផលិតដោយផលិតកម្ម Sastra Film ប្រហែលជាស្គាល់ លោក ព្រីន ច្បាស់ហើយ ព្រោះលោកត្រូវបានទស្សនិកជនស្គាល់ច្រើន តាមរយៈការសម្តែងរឿងក្នុងផលិតកម្មមួយនេះ។ យ៉ាងណាមិញ នៅពេលនេះ លោកស្រាប់តែប្រកាសថា ខ្លួនបានឆ្លងជំងឺកូវីដ-១៩ ខណៈបច្ចុប្បន្នកំពុងទទួលការព្យាបាល។

តាមរយៈបណ្តាញសង្គម តារាសម្តែងលោកព្រីន បានបង្ហោះរូបជាច្រើនសន្លឹក អំឡុងពេលនៅកន្លែងព្យាបាល អមជាមួយដៃកាន់សៀវភៅពីរក្បាល ដោយសរសេរសារយ៉ាងដូច្នេះថា «ថែរក្សាសុខភាពផងណា ទាំងអស់គ្នា #COVID-19 ជាប់សៀវភៅមកជាមួយ២ក្បាល ទុកអានលេងៗ។ Note : completed Second dose of Vaccine»។

គួរជម្រាបថា អមជាមួយនឹងការប្រកាសថា ខ្លួនមានវិជ្ជមានកូវីដ-១៩ លោកក៏បានបញ្ជាក់ថា លោកបានទទួលការចាក់វ៉ាក់សាំងពីរដូសរួចរាល់ហើយផងដែរ។ តែយ៉ាងណា ស្ថានភាពរបស់លោកនៅពេលនេះ ហាក់មិនមានអ្វីធ្ងន់ធ្ងរឡើយ ខណៈទស្សនិកជនបានជូនពរជាបន្តបន្ទាប់ឲ្យលោកឆាប់ជាសះស្បើយ៕