ភ្នំពេញៈ តារាសម្តែង Peypey Dy បានលើក​ជា​សញ្ញាសួរថា តើ​ចោរ​ ពួកគាត់ទិញ កាំភ្លើងពីណា ?​ ព្រោះថា​ប្លន់​ស្រស់ៗពេកហើយ​ បើ​ប្លន់គឺបាញ់សម្លាប់តែម្តង ។​

តាមរយៈវីដេអូឃ្លិប តារាហ្វេសប៊ុកដ៏ល្បីល្បាញ Peypey Dy បាននិយាយថា ឥឡូវពេញនិយមម្លេះថ្ងៃមុន​ប្លន់នៅសែនសុខ ថ្ងៃបន្ទាប់​នៅ​ទួលគោក ហើយយប់មិញ ប្លន់នៅចំការមន ហើយ​អាពួកអាចោរសម្បូរកាំភ្លើងទៀត ។​

តារាសម្តែង និងចម្រៀងខាងបានបង្កើតចម្ងល់ថា «ទេថា ខ្ញុំ​វាល្ងង់ទៅក៏ថាបានដែរ គ្រាន់តែ​ខ្ញុំឆ្ងល់ថាចោរនេះ បានកាំភ្លើងពីណា ? វាទិញពីណា ? អាច្រវ៉ាក់ ជ្រុលមានលុយ​ទៅទិញកាំភ្លើង មិនយកលុយទៅរកស៊ីអីទេ អាគុក »។​

តារាខាងលើបានបន្តថា កាលមុនបើប្លន់​ត្រឹមតែយកម៉ូតូទៅបាត់ តែឥឡូវ​ប្លន់គឺដឹងតែបាញ់ងាប់ៗ ដូច​សេរីពេក ដល់ចឹង​ខ្លាច យប់ព្រលឹមដឹងតែចូលផ្ទះឲ្យបាន មុនម៉ោង ៨ ហ៊ានតែម៉ោង ៩ ម៉ោង​១០ យប់គឺ​ដឹងតែព្រឺឆ្អឹងខ្នងហើយ ៕​