ភ្នំពេញៈ កាលពីព្រឹកថ្ងៃសុក្រ ទី២៣ កញ្ញា នេះ តារាយ៉ាងច្រើនកុះករដែលស្ថិតក្នុង Group «គ្រួសារតារាកម្ពុជា» បានជួបជុំគ្នានៅវត្តគៀនឃ្លាំងក្នុងខណ្ឌជ្រោយចង្វារ ដើម្បីធ្វើបុណ្យ និងដើម្បីបង្កើតទំនាក់ទំនាក់សាមគ្គីគ្នាក្នុងក្រុម។ នេះជាការជួបជុំដ៏ធំមួយរបស់តារាសិល្បៈនៅក្នុងក្រុមនេះ បន្ទាប់ពីស្ថាបនិក «គ្រួសារតារាកម្ពុជា» បានប្រារព្ធពិធីកម្រាលព្រំនៅន័រតុន ដើម្បីស្វែងរកថវិកាជួយដល់មន្ទីរពេទ្យគន្ធបុប្ផា។

តារាសិល្បៈដែលបានបង្ហាញខ្លួនក្នុងពិធីកាន់បិណ្ឌទី៧ នៅវត្តគៀនឃ្លាំងនោះរួមមាន លោក សុះ ម៉ាច ប្រធានសមាគមសិល្បករខ្មែរ និង ភរិយា លោក កុយ ស៊ីឌឿន ម្ចាស់ផលិតកម្មឌីភី អ្នកស្រី ថុង ស៊ីវទៀងម្ចាស់ផលិតម្មចក្រវាទ្យ អ្នកនាង លី ម៉ារីណា និងស្វាមី អ្នកនាង ស៊ុនណារី ម៉ូនីកា កញ្ញា ទេព បូព្រឹក្ស អ្នកនាង ម៉ៅ ស៊ីណាត និងស្វាមី កញ្ញា មាស សម្ផស្ស និងគូដណ្ដឹង អ្នកនាង ឈឹម ស្រីអូន លោក គុន រៀមរតនៈ លោក គង់ សុធារិទ្ធិ ឌីជេអាលីយ៉ា អ្នកនាង ចាន់ សុផានី តារាចម្រៀងដូដូ លោក សុគន្ធ ដេវីត លោក យន់ សុភ័ក្រ្ត លោក ឃីម រតនៈ អ្នកនាង វ៉ាន់ ជាតា ឌីជេកណ្ដុរ លោក ភឹម តារាវិបុល លោកតន្ត្រី សោភ័ណ្ឌ កញ្ញា ស្រីពៅ មុខឈើ និងតារាចាស់ក្មេងជាច្រើនរូបទៀត៕