នៅឧទ្យាន Happy Valley ស្ថិតក្នុងក្រុង Wuhan ក្នុងខេត្ត Hubei ប្រទេសចិន បានប្រារព្ធកម្មវិធីមួយ ដោយអញ្ជើញអ្នកឆ្ពិនភ្នែក សម្តែងក្នុងឱកាសពិធីបុណ្យជាតិ។
កាលពីថ្ងៃពុធសប្តាហ៍មុននេះ អ្នកជំនាញសៀក ឬល្បែងឆ្ពិនភ្នែក បានបង្ហាញជំនាញរបស់ខ្លួន បំបែកកំណត់ត្រាពិភពលោក Guinness World Records ផ្លាស់ប្តូរសម្លៀកបំពាក់ជាច្រើន ប្រើប្រាស់រយៈពេល១នាទី ។
អ្នកឆ្ពិនភ្នែកពីររូបគឺ Avery Chin និង Sylvia Lim ដែលមកពីម៉ាឡេស៊ី ដោយបានបំបែកកំណត់ត្រា ផ្លាស់ប្តូរសម្លៀកបំពាក់ ១៨ ឈុត ក្នុងចំណោម ១៩ឈុត ប្រើពេល១នាទី លើសកំណត់ត្រាចាស់ចំនួន២ ។
បញ្ជាក់ផងដែរថា អ្នកឆ្ពិនភ្នែក Vivas Magic របស់ម៉ាឡេស៊ី ដែលធ្លាប់បានបំបែកកំណត់ត្រានៅ Sunway Pyramid ក្នុងក្រុង កូឡាឡាំពួរ មានលទ្ធភាពបំបែកបាន ១៦ឈុតតែប៉ុណ្ណោះ ក្នុងរយៈពេល ១នាទី ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់