ឆ្លើយតបនឹងការចោទថាអ្វីជាមូលហេតុដែលបណ្ដាល ឈិន សុធារី បង្ហោះសារប្លែកៗនៅលើហ្វេសប៊ុកតារាស្រីរូបនេះ បានអះអាងថាគឺតែមួយរយៈមុននាងមានរឿងហត់ចិត្ត និងមានសម្ពាធជីវិតធ្វើឲ្យនាងខ្វល់ខ្វាយ។ នាងថាខ្លួនមិនខុសពីមនុស្សមានជំងឺហត់ចិត្តនោះទេ ទើបបណ្ដាលឲ្យនាងគិតច្រើន ហើយមិនសូវស្រឡះក្នុងចិត្ត។
យ៉ាងណាមិញ នាងហាក់មិនទាន់ក្លាហានទម្លាយថានាងហត់ចិត្តដោយសាររឿងអ្វីឲ្យប្រាកដនោះទេ ខណៈដែលនាងបានទទួលស្គាល់ថារវាងនាង និងស្វាមីមានរឿងមិនសប្បាយចិត្តខ្លះៗ តែទំនាក់ទំនងប្ដីប្រពន្ធនៅតែធម្មតា។ អ្នកនាងបានសារភាពថាការងាររាល់ថ្ងៃ អ្នកនាងមិននឿយហត់ទេ ប៉ុន្តែអ្វីដែលអ្នកនាងហត់ខ្លាំងគឺសម្ពាធផ្លូវចិត្តដែលបានបង្កពីមនុស្សដែលមិនធ្វើអោយនាងសប្បាយចិត្ត។
នេះជាការទទួលស្គាល់មួយថ្មី បន្ទាប់ពីនាងរមែងបដិសេធថាខ្លួនគ្មានរឿងមិនសប្បាយចិត្តនោះទេ ដោយការបង្ហោះសារប្លែកៗ គឺគ្រាន់តែចង់បង្ហោះលេង និងចង់ស្ដែងពីរឿងឯកជនរបស់អ្នកដែលនាងបានស្គាល់ប៉ុណ្ណោះ។ នាងមិនបានសំដៅថាមនុស្សណាម្នាក់គឺជាបុគ្គលដែលធ្វើអោយនាងកើតទុក្ខរហូតកើតជំងឺហត់ចិត្តនោះទេ ក្នុងពេលដែលនាងបានលើកឡើងថាចំពោះស្វាមីបើទោះជាធ្វើអោយនាងមិនសប្បាយចិត្តខ្លះៗ តែអ្នកនាងថាមិនមែនជាបញ្ហាចោទដែលនាំអោយនាងស្មុគចិត្តនោះទេ។
អ្នកនាងថាខ្លួនចេះតែមានចំណុចគិតច្រើន និងខឹងច្រើន ទើបសឹងនឹងក្លាយជាជំងឺហត់ចិត្ដ បណ្ដាលអោយនាងគិតច្រើន។ យ៉ាងណាមិញ នាងថានឹងខំតាំងជំហរ មិនគិតរឿងមិនទាន់កើតនាំអោយខ្វល់ចិត្តទៀតទេ។ 
ខាងក្រោមនេះជាបទសម្ភាសន៍ផ្ទាល់មាត់ ដែលឈិន សុធារី បានលើកឡើងពីរឿងហត់ចិត្ត ដែលបណ្ដាលឲ្យតារាស្រីរូបនេះស្មុគចិត្ត៖
https://www.youtube.com/watch?v=M6MBbUbePyI&feature=youtu.be
មតិយោបល់