តារាចម្រៀងរ៉េបរបស់ កូរ៉េ នាង Jessi ​ត្រូវបានបុរសម្នាក់ចោទប្រកាន់ថា បាន​បំពានលើរាងកាយរបស់គាត់ នៅក្នុងក្លឹបមួយ​កន្លែង​។​

ប៉ូលិស​ក្នុងប្រទេសកូរ៉េ បានឲ្យដឹងថា កាលពីថ្ងៃទី១៧ វិច្ឆិកា ក្នុងអំឡុងម៉ោង ៩និង​៣០នាទី ដោយទទួលបានព័ត៌មាន ជម្លោះវាយតប់ ក្នុងអំឡុងពេលថត​វីដេអូចម្រៀងក្នុងសង្កាត់ Gangnam ។

ប៉ូលិស​ខាងលើបានបន្តថា មាន២ក្រុមក្នុងជម្លោះ ពាក់ព័ន្ធនឹង តារាចម្រៀង Jessi ដោយមានជម្លោះពាក្យសម្តី តែលទ្ធផលចុងក្រោយ អ្នករងគ្រោះ ជា​ក្រុម​របស់បុរស ដោយត្រូវបានតារាចម្រៀងខាងលើ វាយតប់​។​

សាក្សីក្នុងកន្លែងកើតហេតុ បានឲ្យដឹងថា បុរសម្នាក់ដែលគេមិនស្គាល់ឈ្មោះ ត្រូវបានវាយតប់ពី​តារាចម្រៀង Jessi ប៉ុន្តែ​ពាក់ព័ន្ធនឹងបញ្ហានេះ អ្នករ៉េប​របស់កូរ៉េរូបនេះ បានធ្វើការ​បដិសេធ ។​

សាក្សីខាងលើ បានអះអាងថា ទីបញ្ចប់នៃជម្លោះ នេះត្រូវបានបញ្ចប់ក្រៅផ្លូវច្បាប់ ក្រោយពួកគេ ត្រូវបានសម្រុះសម្រួលគ្នា វិញ ។
ទោះបីជាយ៉ាងណា ខាងផលិតកម្ម YMC Entertainment បានបញ្ជាក់ថា មានករណីនោះកើតឡើងនោះទេ ៕​