ភ្នំពេញៈ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោក ជា សុផារ៉ា បានព្រមានចាត់វិធានការទៅលើសំណង់របស់ក្រុមហ៊ុនណាហ្គាវើល (Naga World) ដែលគេស្គាល់ថា ជាទីតាំងបនល្បែងដ៏ធំនៅកម្ពុជា និងស្ថិតនៅកណ្ដាលរាជធានីភ្នំពេញ។

ការព្រមានដោយរដ្ឋមន្ត្រីដែលទើបនឹងឡើងតំណែងថ្មីនេះ បន្ទាប់ពីអ្នកគ្រប់គ្រងរបស់ក្រុមហ៊ុនណាហ្គាវើល មិនសូវជាចាប់អារម្មណ៍ពីប្រសាសន៍របស់សម្ដេចនាយករដ្ឋមន្ត្រី ហ៊ុន សែន ក្រោយពីសម្ដេចបានព្រមានជាសាធារណៈឲ្យវាយសំណង់ខុសច្បាប់រំលោភលើផ្លូវសាធារណៈចោលកាលពីពេលកន្លងទៅ។

យោងតាមទំព័រហ្វេសប៊ុករបស់លោក ជា សុផារ៉ា ផ្សាយនៅមុននេះបន្តិចថា “សំណង់ណាហ្គា កាន់តែហ៊ាន កាន់តែផ្គើន កាន់តែលយចេញមកលើផ្លូវសាធារណៈ វាយចោលសិន កុំឲ្យធ្លាប់”៕